Абдусамад Дўрмонов: "Иккинчи бўлимда ўйинни кучайтирдик”
15 сен 2020 21:30
Янгиликлар

Абдусамад Дўрмонов: "Иккинчи бўлимда ўйинни кучайтирдик”

ПРО-Лига 6-туридан ўрин олган "Нефтчи" - “Зомин" (3:2) учрашувидан сўнг мезбонлар бош мураббийи Абдусамад Дўрмонов матбуот анжуманида иштирок этди.

"Ўйиндан олдин йигитларга айтгандим, "Зомин" каби жамоалар билан қийин ўйин бўлади. Бу жамоада ортиқча босим йўқ, ўйинни бемалол ташкил этишади. Биринчи бўлимда ўзимиз истамаган тарзда иккита гол ўтказиб юбордик. Танаффус вақтида йигитларга айтдим, шошилиш керакмас. Биринчи бўлимда жамоамиз аъзоларида шошилиш холатлари кузатилиб қолди. Иккинчи бўлимда ўйинимизни янада кучайтирдик, натижа ҳам буни кўрсатиб турибди.

Отабек Зокиров нега ўйнамади? Отабекни кеча онаси вафот этди, шу сабабдан бугунги ўйинда қатнаша олмади. Секин-асталик билан жамоамизда футболчилар майдонга қайтмоқда. 4-5 нафар футболчимиз жароҳатда эди, иккинчи бўлимда улар майдонга тушиб ўйинимизни кучайтиришди. Биласизми, чемпионатда ҳар-хил ўйинлар бўлади. Шунга мос равишда клубда заҳира ҳам бўлиши керак" - дейди Абдусамад Дўрмонов.

Бекзод Толибов ёзиб олди.

Ҳавола :

Манба : championat.asia

Янгиликларни Телеграмда ўқинг!

Рейтинг: +1