50 ёшли япониялик ўз жамоасига ғалаба келтирди

Форвард мамлакатнинг иккинчи даражали чемпионатида "Кусацу" дарвозасини ишғол қилди ва жамоасига муҳим 3 очкони келтирди (1:0).

26 февраль куни 50 ёшга тўлган Миура дунёдаги энг кекса футболчи ҳисобланади.

Миура фаолиятини 1986 йил Бразилиянинг "Сантос" клубида бошлаган. У Европада "Женоа" ва Загребнинг "Динамо" клублари шарафини ҳимоя қилган.

Миура 2005 йилда, 38 ёшлида "Йокогама"га ўтган. У миллий жамоадаги 89 та учрашувида 55 та гол урган ва 17 йил аввал Япония терма жамоасидаги фаолиятини якунлаган.