ЖЧ-2013 (U-17). Пойтахтда “мухлислар минтақаси” ишга туширилди.
17 окт 2013 08:44
Янгиликлар

ЖЧ-2013 (U-17). Пойтахтда “мухлислар минтақаси” ишга туширилди.

Бугун БАА яшил майдонларида футбол бўйича ўсмирлар ўртасида (U-17) навбатдаги жаҳон чемпионати старт олади.

Шу муносабат билан ташкилотчилар мухлислар учун ажойиб туҳфа ҳозирлашди. Яъни, маза қилиб дам олиш учун “мухлислар минтақаси” ишга туширилди. “Минтақа”нинг расмий очилиш маросими бугун бўлиб ўтади.

Мусобақа бош директори Муҳаммад бин Бдуа Абу Дабидаги “мухлислар минтақаси” борасида шундай деди: “Мухлислар минтақаси” футболни севувчилар учун ажойиб жой. Бу ерга ташриф буюрувчилар нуқтадан зарба бериш, кичик майдончада футбол ўйнаш орқали бир қатор совринларни ютиб олиши мумкин. Биз жаҳон чемпионати мамлакатда кенг миқёсда нишонланишини хоҳлаймиз. Бу ерга ишқибозлар бемалол оилавий ҳамда ёш болалар билан келишлари мумкин”.

“Мухлислар минтақаси” 17 октябрдан 8 ноябргача очиқ бўлади. Шанбадан чоршанбагача майдонча маҳаллий вақт билан 16:00дан 23:00гача, пайшанба-жума кунлари то тунгача ишлайди.

Х.Холиқов тайёрлади.

Ҳавола :

Манба : championat.asia

Янгиликларни Телеграмда ўқинг!

Рейтинг: