⚡️ “Ювентус” ва “Салернитана” ўртасидаги баҳснинг охирларида юз берган драма ҳақида

90+3-дақиқада Леонардо Бонуччи пенальти тепиш имкониятига эга бўлди ва дарвозабон унинг зарбасини қайтариб қолди. Қайтган тўпга биринчи бўлиб югуриб келган Бонуччи хатосини тўғрилаб, ҳисобни тенглаштирди.

90+5-дақиқада туринликлар форварди Аркадиш Милик рақиб дарвозасини ишғол этиб, хурсандчилигидан футболкасини ечди ва ҳакам томонидан унга 2-сариқ кўрсатилди. ВАРдаги арбитр эса унинг голини офсайд ҳисоблади ва оқибатда натижа ўзгаришсиз қолди. Милик эса майдондан четлатилди.

Вазият қайта кўрилаётган вақтда иккала жамоа ўйинчилари ўртасида низо келиб чиқди ва бош ҳакам Маттео Марченаро яна 3 та қизил карточка кўрсатди: Федерико Фасио, Хуан Куадрадо ва “Юве” устози Массимилиано Аллегри.

Эслатиб ўтамиз, Аллегри шогирдлари мана уч ўйиндирки, ғалаба нималигини билмай келишмоқда. Туринликлар бундан олдин ЕЧЛда ПСЖга 1:2 ҳисобида ютқазди ва чемпионат доирасида “Фиорентина” билан баҳсда дуранг (1:1) ўйнади. Жамоа ҳозирда А Серия турнир жадвалида 10 очко билан 8-ўринда турибди.