Маълумотларга кўра, Игуаинга "Челси"нинг бўлажак бош мураббийи Маурицио Сарри қизиқиш билдирмоқда. Сарри "Наполи"да аргентиналик билан бирга ишлаган.
"Кекса синьора" ушбу трансфердан тушган пулларни "Реал" ҳужумчиси Криштиану Роналду харидига сарфламоқчи.
Олдинроқ, Турин клуби Роналдуга мавсумий маоши 30 млн. евро бўлган 4 йиллик шартнома таклиф қилишга тайёр эди. "Ювентус" бу трансфер учун 100 млн. евро сарфлаши кутилмоқда.
Игуаин 2 мавсумдан бери "Ювентус" шарафини ҳимоя қилиб келмоқда. У барча турнирларда 105та учрашувда майдонга тушиб, 55та гол уришга муваффақ бўлди.
