Юрий Лукин: "Тезкор гол ўйинимизга таъсир қилди"

- Бугунги ўйин ҳақидаги фикрларингиз
- Иккинчи бўлимнинг дастлабки дақиқаларида киритилган тезкор гол бизнинг ўйинимизга салбий таъсир кўрсатди. Шундай бўлсада шогирдларим сўнгги дақиқаларгача курашишди.

- Жамоа қийин вазиятда қолаяпти. Бирон йўли борми оғир вазиятдан чиқиб кетишни?

- Олдимизда ҳали ўйинлар бор. Мавқеимизни тиклаб олишга ҳаракат қиламиз. Бизга асосий вазифа ҳам шундай юклатилган.

- Сизни биз собиқ ҳужумчи сифатида яхши биламиз. Жамоада ҳужум чизиғида муаммолар бордек?..
- Ҳа, биз йиғинларни жуда кеч бошладик. Жамоа деярли янги таркиб билан йиғилганди. Биз уч жамоадан ҳозирги таркибимизни шакллантирдик. Ҳимоя, ҳужум ва умуман бошқа чизиқлар ҳақида гапиришга ҳали эрта деб ўйлайман.

- Зафар Тўраев яхши ҳаракат қилаётганди. Уни алмаштирилишига нима сабаб бўлди?
- Тўғри. Лекин биз майдон марказидаги устунликни Жиззахликларга бериб қўйган эдик. Ренат Байрамов майдон марказида эмин-эркин ҳолатда “Сўғдиёна” ҳужумларини бошқариб турди. Лекин захирадан майдонга тушган футболчи Ренатга қарши курашларда имкониятларни бой берди.