Юрий Лукин: "Бугун ғалаба қозонишни кўпроқ хоҳлагандик"

- Ўйин жанговор ва кескин курашларга бой тарзда ўтди. Бугун шогирдларим намойиш этган ўйиндан қониқиш ҳосил қилдим. Улар кўрсатмаларимизни тўғри бажаришди. Муҳими, бугунги учрашувда ўзимиз учун керакли бўлган уч очкони қўлга киритдик. Чунки “Андижон” бизнинг яқин рақобатчиларимиздан бири эди. Шунинг учун ҳаммасидан кўнглим тўлди. Кўрган бўлсангиз, ўйин тенг курашлар остида ўтди ва иккала жамоа ҳам бир-биридан қолишгани йўқ. Майдоннинг ҳолати бошқачароқ ўйин намойиш этишни талаб этди. Бугун ниманинг ҳисобига ғалаба қозондик? Ғалаба бўлган иштиёқ ҳамда хоҳиш эвазига ютдик. Қайсидир вазиятларда рақибга нисбатан яхшироқ ўйнадик, яна қайсидир вазиятларда унчалик эмас. Асосийси, йигитлар ғалаба учун майдонга тушишганди ва буни намойиш этишди.