Ёрқин Назаров: "Қишки йиғинлар тез ўтиб кетди ҳамда чемпионат бошланиб қолди"
10 мар 2023 18:20
Янгиликлар

Ёрқин Назаров: "Қишки йиғинлар тез ўтиб кетди ҳамда чемпионат бошланиб қолди"

Coca-Cola Суперлигасининг 1-туридан ўрин олган "Сўғдиёна" - "Олимпик" (2:2) учрашувидан сўнг мезбонлар бош мураббийи Ёрқин Назаров матбуот анжуманида иштирок этди.

Ўйин ҳақида
"Олимпик"ка қарши ўйинга тайёргарлик кўргандик. Лекин негадир яна омадимиз келмади. Эндиликда ҳимоя ва ҳужумдаги хатоларимиз устида ишлашимиз лозим.

- Бобур Йўлдошев ўтган ўйинда қанотда ҳаракат қилганди. Бугун эса уни марказий зонага қўйдингиз. Бу "Олимпик"ка қарши алоҳида танланган услуб маҳсулими?
- Йўқ. Искандар Шайкулов кечаги машғулотларда жароҳат олди. Шу боис, Йўлдошевни марказга жойлаштирдик. Яъни, тактик ўзгаришни амалга оширдик.

- Келгуси баҳсда "Нефтчи"га қарши беллашасизлар. Фарғоналиклар шаклланган жамоа эканлигини кўряпмиз. Ушбу ўйинга қандай мақсад қўйгансизлар?
- Мақсадимиз — ғалаба қозониш. Қишки йиғинлар тез ўтиб кетди ҳамда чемпионат бошланиб қолди. "Нефтчи"га қарши ҳам фақат ғалаба учун майдонга тушамиз.

Ҳавола :

Манба : championat.asia

Янгиликларни Телеграмда ўқинг!

Рейтинг: -2