UZ

Сўнгги янгиликлар

14:45Про лига. "Олимпик-MobiUz" – "Машъал". Таркиблар маълум  0 14:08Шенсни "Юве"да қолиши учун маоши камайишига рози бўлиши керак  0 13:40Гризманн қайтди  1 13:21Дилмурод Назаров хотирасига бағишланган "Наврўз Кубоги-2024" мусобақаси қандай ўтди?  2 13:09"Бавария" "Штутгарт" вингерига кўз тикди  0 12:46"Манчестер Юнайтед" Каземирога ўринбосар топди  2 12:20Эшитдик-да! ФИФА "Бунёдкор"га илк санкцияни қўллади  20 11:48Клоппнинг ассистенти "Аякс" бош мураббийига айланиши мумкин  0 11:24Ўзбекистон – Гонконг учрашувида майдонга югуриб тушган мухлислар маъмурий жавобгарликка тортилди, 2 нафар шахс 5 суткага қамалди  20 10:57Пеп Гвардиола «Манчестер Сити»даги келажаги борасида бир қарорга келди  5 10:28«Бавария» Алонсони қўлга кирита олмаганидан сўнг бошқа бир топ мураббий билан шартнома тузмоқчи  1 10:00ЦСКА устози РПЛнинг энг кучли футболчиси кимлигини айтди  8 09:3410 ойга четлатилган Тонали яна узоқ муддатга дисквалификация қилиниши мумкин  3 09:10«РБ Лейпциг» грандлар қизиқаётган футболчига нарх қўйди  1 08:47Златан рамзий термасини тузди ва ўзини қўшмади. Нега қўшмаганини эса Ибра супер тарзда тушунтириб берди  17

Ёрқин Назаров: "Охирги 15 дақиқада дуранг учун 3 баробар мукофот пули ваъда қилинди" Янгиликлар

Ёрқин Назаров: "Охирги 15 дақиқада дуранг учун 3 баробар мукофот пули ваъда қилинди"

Coca-Cola Суперлиганинг қолдирилган 6-туридан ўрин олган "Пахтакор" - "Андижон" (1:0) учрашувидан сўнг меҳмонлар бош мураббийи Ёрқин Назаров матбуот анжуманида иштирок этди.

Ўйин ҳақида

- Бугунги ўйин учун йигитларга миннатдорчилик билдираман. Биринчи бўлимда "Пахтакор"дан бир оз чўчидик, барибир бу жамоа амалдаги чемпион. Лекин йигитлар иккинчи бўлимда ўз ўйинларини топиб олишди. Негадир жамоамизга омад етишмаяпти. 

- Жамоада ўйиндан-ўйинга ўсиш кузатилаётгандек. Кейинги даврада бошқача "Андижон"ни кўришимиз мумкинми?
- Суперлигада юзага келган танаффус жамоамизга яхши фойда берди. Биз бу вақт давомида жисмонан тайёргарликни кучайтирдик. Тўғри айтаяпсиз, жамоа ўйиндан-ўйинга кучаймоқда. Таркибдаги футболчилар ҳам ўз жойларини, ўрниларини топиб олишмоқда. Бизга ғалаба керак, лекин мухлисларга яхши ўйнадик, вазиятлар яратдик деган билан фойда йўқ. Ғалаба ва натижа керак. Мақсадимиз жамоани Суперлигада сақлаб қолиш. Бизга битта ғалаба етишмаяпти, битта ютуқдан кейин жамоа очилиб кетади.

- Биринчи бўлимда футболчиларда тўп узатишларда хатога йўл қўйишди. Бу босим туфайли юзага келган холатми?
- Тўғри айтаяпсиз, бу босимдан ҳам юзага келадиган холат. Йигитларга машғулотлар жараёнида 15-20 минут давомида босимларга тайёр бўлишлари юзасидан тушунчалар бераяпмиз. Бу керакли жиҳатлардан бири. Техника ҳам керак, зўр узатмани ҳам тўхтатолмай қолса табиий холда ўйин чиқмайди. Бу каби жиҳатлар устида ишлаяпмиз. 80 фоиз йигитларимиз бу йил Суперлигада дебют қилишди, уларга озроқ вақт керак.

Жасур Жалолиддиновда "Насаф" билан ўйин олдидан жароҳат бор эди. Уни сўроқ остида майдонга туширгандик. 15-20 дақиқа давомида ўйинга қўйдик, чунки жароҳати кучайиб кетиши хавфи бор эди.

- Жамоани ўйинларига таркиб танлашда раҳбарият аралашуви бўладими?
- Йўқ, барака топишсин, клуб раҳбарияти бу борада мураббийлар ишига аралашиаётгани йўқ. Машғулотларда кўриб, жисмонан кучли, ўйинга тайёр футболчиларни ўзим танлаяпман.

- Ҳакамлар бугун кўп ҳуштак чалишгандек кўринди. Фаррух Сайфиев билан боғлиқ вазият бўйича сизда фикр қандай?
- У вазиятда менга тўп қўлга теккандек кўринди. "Насаф" билан ўйинда ҳам шунақа вазият бўлганида ҳакам тўп дастлаб оёққа, кейин қўлга тегди деб изоҳ берганди. Бугун менга тўп тўғридан-тўғри қўлга теккандек кўринди. Ҳакам ҳал қилади, уларни ишини баҳолайдиган қўмита бор. Бу ҳакам Суперлигада дебют қилаётган экан, ушбу ҳакамга бугунги ўйин учун эътирозим йўқ.

Бугунги ўйинга ғалаба ва дуранг учун мукофот пуллари ваъда қилинганди. Чунки рақиб "Пахтакор" эди. Тўғрисини айтсам, охирги 15 минутда дуранг учун 3 баробар мукофот пули ваъда қилинди.

- "Пахтакор" билан бугун жамоангиз борини бериб ўйнагандек кўринди...
- Тўғри, "Пахтакор" Осиёнинг номдор жамоаларидан бири. Бу каби жамоаларга иштиёқ шунақа даражада бўлади.

Рейтинг: +18   

Фикрлар

championat.asia
< сўнгги янгиликларни кўриш
Яндекс.Метрика