UZ

Сўнгги янгиликлар

03:08Ла Лига. "Атлетико" "Валенсия"га қарши ўйинда даҳшатли камбэк қайд этди  1 02:45А Серия. "Лацио" ва "Аталанта" нурсиз дурнг қайд этишди  0 00:40Ла Лига. "Севилья" ва "Селта" жанговар дуранг қайд этишди  2 00:35Ла Лига. "Атлетико" – "Валенсия". Суарес ва Феликс асосий таркибда  10 00:30АПЛ. "Манчестер Сити" меҳмонда "Саутгемптон" билан дуранг ўйнади  10 00:13А Серия. "Лацио" – "Аталанта". Бошланғич таркиблар маълум!  4 00:05А Серия. Жеконинг сўнгги дақиқалардаги голи "Интер"га "Венеция" устидан ғалаба тақдим этди  8 00:00Хави Дембеле ҳақида: "У вазиятни жуда яхши тушуниб турибди. Ҳаммаси Усманнинг ўзига боғлиқ"  0 23:31Сречко Катанец ниҳоят Дубайга етиб борди  7 23:19АПЛ. "Вулверхэмптон" меҳмонда "Брентфорд"ни мағлуб қилди. "Лидс" эса "Ньюкасл"га енгилди  0 23:10Расман: Сердар Азмун "Байер" футболчиси  18 22:52"Астон Вилла" "Ювентус" ярим ҳимоячисига қизиқмоқда   6 22:30Эрлинг Холанд жароҳат олди  6 22:11Европа топ-клублари Закария учун кураш олиб боришмоқда  2 21:52АПЛ. "Саутгемптон" – "Манчестер Сити". Асосий таркиблар билан танишинг  51

"Яхши жамоа тузиш учун уч йил керак". Тимур Кападзе мураббийлар "шиори"ни йўққа чиқарди Янгиликлар

"Яхши жамоа тузиш учун уч йил керак". Тимур Кападзе мураббийлар "шиори"ни йўққа чиқарди

2 декабрь куни бўлиб ўтган Суперлигага ўтиш ўйинида "Олимпик" "Машъал"ни 3:1 ҳисобида мағлуб этди.

Гарчи ўйиннинг биринчи бўлими бироз зерикарли тус олган бўлса-да, иккинчи таймни "Олимпик" қизитиб берди. "Олимпик" кўрдики, "Машъал" билан бемалол ўйнаса бўлади, футболчилар фақат ҳужумни ўйлаб ўйнай бошлашди. Натижаси эса ўзингизга маълум, ташкил топганига ҳали бир йил бўлмаган жамоа Суперлиганинг бир неча йиллик иштирокчисини ортиқча қийинчиликсиз мағлуб этди. 


"Олимпик" Суперлигада!

Ишониш қийин, лекин бу факт. Энди бир ёшга тўладиган "Олимпик" бир йилдаёқ Суперлига вазифасини уддалади. Жамоа Пролигада учинчи ўринни олиб,  плей-офф орқали Суперлига йўлланмасини қўлга киритди. Ўтаётган бир йил ичида Тимур Кападзе бошқарувидаги жамоа астойдил меҳнат қилди. "Олимпик" ҳар бир ўйинда фақат ғалабани кўзлаб ҳаракат қилди. Бир йил олдин кўпчиликка керак бўлмай қолган футболчилар билан уддалади Кападзе бу вазифани. Бу эса янада қойил қолишга арзийди. 


Қисқача ўйин ҳақида

Тўғриси, "Машъал" Суперлига жамоаси бўлгани учун муборакликларда имконият кўпроқ эди. Ҳар ҳолда барибир "Машъал"да тажрибали футболчилар ўйнайди. Лекин шу куни жамоани умуман таниб бўлмади. Йил давомида Суперлига клубларига қарши иккинчи рақамли жамоа бўлиб ўйнаб келган "Машъал" "Олимпик" билан баҳсда "ўрганган кўнгил ўртанса қўймас" қабилида иш тутиб, ўз услубидан воз кечмади ва Пролига жамоасига қарши иккинчи рақамли жамоа бўлиб ҳаракат қилди. 

Натижада "Олимпик" бир тайм "Машъал"ни синовдан ўтказди. Улар кўрдики, Муборак жамоаси иккинчи рақам билан ўйнаяпти, демак бемалол ҳужум қилса бўлади. Бунинг устига "Олимпик" ҳужумкор жамоа, Кападзе йил бўйи болаларга шуни ўргатди, бундай пайтда рақиб ҳимояланса янаям яхши. Ҳужумни севадиган жамоа янада эркин бўлади, ўзи хоҳлаганча ҳужум қилади. "Олимпик"ка аслида шу керак эди. "Машъал" рақибга ёқадиган ўйин услубини таклиф қилиб, қаттиқ хатога йўл қўйди ва бунинг оқибатида жазоланди. 





"Машъал"нинг хатоси

Бу ўринда "Машъал" мағлубиятининг асосий айбдори бош мураббий бўлади. Чунки Александр Хомяков футболчиларни ўтиш ўйинига тайёрлай олмапти. Футболчиларнинг кўзида учқун, ҳаракатида шижоат кўринмади. "Машъал" гўёки ўхшаб қолар маъносида тўп тепди. Жамоа пенальтидан тўп киритиб ҳам ўзига бўлган ишончи ортмади. 

Суперлига клубларига қарши иккинчи жамоа сифатида ўйнаб келганини тушунса бўлади. Лекин Пролига клуби билан бундай усулда ўйнаш тўғримикан? Бу ҳам Хомяковнинг хатоси. Мураббий жамоани руҳлантира олмагани шундоқ кўринди. Сезган бўлсангиз, танаффусдан кейин "Олимпик" дарҳол ўзгарди, "Машъал" эса биринчи таймдаги ўйинини намойиш қилишда давом этди. Қачонки жамоа ўйинни бир текис тугатиб қўйишни хоҳлар экан, ғалабадан умид қилмаса ҳам бўлади. Футбол ҳам мисоли катта оркестр каби. Қўшиқ фақат паст оҳангда янграйверса, тингловчилар зерикиб қолади. Мусиқа зўр чиқиши учун керак пайтда кульминация берадиган товушлар ҳам бўлиши керак. 


Кападзега қойил

Бу кетишда Тимур Кападзе Ўзбекистоннинг энг кучли мураббийи бўлади. Ҳа, шундай. Ахир бир йилда жамоа тузиб вазифани бажариш ҳар кимнинг ҳам қўлидан келавермайди. Бир неча йилдан бери эшитишга ўрганиб қолганимиз - "Мураббийга яхши жамоа тузиш учун уч йил вақт керак" деган гап эскирганини Кападзе исботлади. Ёш мураббий бир йилда жамоа тузиб ҳам вазифани бажарса бўлишини кўрсатиб берди. 

Тимур Кападзе қаерда ишламасин, омади келяпти. Қўқонда жамоани қуйи лигага тушиб қолишдан сақлаб қолди, "Локомотив" ўринбосарлари билан яхши ишлади, кейинчалик "Локо" асосий таркибини юқорига кўтарди. Майдонга чиқишдан безиллаб қолган футболчиларга тўғри кўрсатма бера олди ва бунинг натижасида "Локо"нинг ўйини қисқа фурсатда яхши томонга ўзгарди. Жамоа аутсайдердан курашувнча жамоага айланди. 

Мана энди бош мураббий сифатида мустақил иш юритган Кападзе ҳатто футболни тугатишга тайёр футболчиларни бир жойга йиғиб жамоа тузди. Бир сўз билан айтганда, Тимур Кападзе кўп футболчиларни сақлаб қолди. Агар "Олимпик" тузилмаганида, балки бу йигитлар ҳозир умуман бошқа иш билан шуғулланаётган бўлиши мумкин эди.


Матбуот анжумани

Ўйиндан кейин матбуот анжуманида Тимур Кападзега "Одатда мураббийлар жамоа тузиш учун 3 йил керак деб айтишади. Лекин сиз бир йилда яхши жамоа туза олдингиз. Бу борада нима дея оласиз?" деб савол бердим.

Шунда Тимур Тохирович ҳамма гап меҳнатда эканини айтиб, футболчиларни бир мақсад йўлида бирлаштириш, мураббий жамоага нима хоҳлаётганини сингдира олиши бирламчи эканини таъкидлади. Шунингдек, вақт асосан хорижлик мураббийларга кераклигини айтди. Нима бўлганда ҳам қисқа вақт ичида яхши жамоа тузиш осон эмас. Лекин Кападзе бу ишнинг уддасидан чиқди ва ишонч билан айта оламизки, "Олимпик" Суперлигада ҳали кўп жамоаларга бошоғриқ бўлади. 




Муаллиф : Xayrulla Xoliqov
Рейтинг: +3   

Фикрлар

+4   
05 дек 12:14:18
Salim negativlar
Mirshohid фойдаланувчининг фикрига жавоб бериш
Nimaga bu jamoaga super ligada o'ynash uchun ruhsat berishyapti? Ahir bu jamoani super ligaga chiqmaydi faqat pro ligada o'ynaydi, maqsad olimpia terma jamoasi uchun deb uyinchilarni yig'ib okib endi suoer ligaga chiqvotti. Imtiyoz bu jamoa uchun pro liga edi.... qisqasi ermatov ham diyor ham halta ekan
Kurashib yutsayu lekin pro ligada qolsa mamtig‘ qani keyin asosiy maqsad super ligaga chiqmaydimas chiqishmas deyilgan edi tushunmaymanda amma suniny jamoa deyayabdi lekin olimpik tashkil topguncha shu bollarni kim tanirdi kop extimol bilan ko‘pchiligini tanimoy qolish extimoliyam yoq emasdi kurashib chiqdi xalolo bo‘lsin
+3   
05 дек 13:03:38
futbol_xalqniki
Bu yog'i ketdi... Ayniqsa jurnalistlar PIAR qilishdan charchashmaydi.... Yana bitta bo'm bo'sh stadionda pitbol o'tnaydigan klub paydo bo'ldi.
+3   
05 дек 12:11:35
Asadulla Buriyev
Ha yaxshi jamoa tuzish uchun mablaģ yaxshi òyinchilani sotib olish u.n ìmkoniyat ham kerak bu imkoniyat Kapadzega qòsh qòllab berildi tòģridan tòģri pro liga yana holagan kamandadan holagan òyinchini yiģvoldi faqat 1ta chegara 23 yoshdan òtmagan òyinchilani olasan tep tekinga òquv mashģulot yiģini u.n Hali dubay hali turkiya shuuncha sharoit super ligaga chiqish u.n shuni òzi yetadi ayrim super liga jamoalarimiz Turkiya uyoqda tursin Toshkentda yiģin òtkazsa ham hursand auper ligaga chiqish u.n agar holagan jamoa murabbiyiga shuuncha imkoniyat bersa beeemalol pro ligada 1 òrinni ham ololadi Kapadze hali hayron qoldirarli ish qilgani yòq
+3   
05 дек 11:53:52
Арал Нокис
Кападзе чето ..... Нега Хамма Уни коп мактаябии а
+2   
05 дек 15:54:10
Марко ван Бастен
Яхши жамоа тузиш учун УФА ПФЛда битта зўр танка бўлиши керак деб ўзгартирамиз шиорни
+2   
05 дек 14:51:46
Xscreen
Оддийрок инсон, узича бирор жамоа тузиб "Олий лига" уёкда турсин "1 лига" йулланмасини кулга киритиб курсинчи!? Журналистларимиз ёлгон "пиар" килмай, холис булишса яхши булар эди! Халкимизда "Ойни этак билан ёпиб булмайди" деган макол бежизга айтилмаган, "ким аслида ким" эканлигини хамма футболни тушинадиган инсонлар куриб билиб туришибдику, яна уяалмай нетмай "куклар"га кутариб макташлариничи! Бу кетишда охир окибат МТЖга мураббий килиб кутиласизлар шеккилли?
+2   
05 дек 13:42:10
Bugatti vieyron
Энди ҳақли савол туғилади Олимпик яшаб қолиш учун пулни қаердан топади бизни чўнтагимизга қўлини тиқадими шу керакми бизга?
+2   
05 дек 13:33:14
F/C Andijon
Олимпик Супер лигага кандай тез чмккан булса. Шундай тушиб кетади!!!! Суперлига босимига чида олмайди. 2022 - йил чемпионат номини узгартириш керак. Супер лига эмас......Тошкент лигаси деб юритиш керак! Чемпионатни Тошкент вилоят жамоалари купайиб бормокда! Яна купаяди шекилли. Менимча яна Дустлик ва Обод жамоалари чикса чемпионат тугайди)))))
+2   
05 дек 12:31:53
Fergana_Sux
Lesterga o'xshab chempion bo'p ketsaya.)))
Bu Olimpik o'z o'yinlari bilsn Superligamiz shiddatini yanada oshiradi.)))
+2   
05 дек 12:18:31
Sayfuddinovich86
Uyat... "Mash'al"dan non yegan...
Kim pul to'lasa o'shaning musiqasini chalaman ...
Kopadzeni "Milliy"ga trener qilmaguncha to'xtamang.
+2   
05 дек 12:01:53
Mirshohid
Nimaga bu jamoaga super ligada o'ynash uchun ruhsat berishyapti? Ahir bu jamoani super ligaga chiqmaydi faqat pro ligada o'ynaydi, maqsad olimpia terma jamoasi uchun deb uyinchilarni yig'ib okib endi suoer ligaga chiqvotti. Imtiyoz bu jamoa uchun pro liga edi.... qisqasi ermatov ham diyor ham halta ekan
+1   
05 дек 20:10:07
Абдукарим Каххоров
Хоп суперлигага хам чикди.
Энди буёги нима булади ?
Суперлига жамоаси учун адашмасам мажбурий булган
Ёшлар жамоаси ( узи ёшлардан ташкил топган жамоа)
Аёллар жамоаси
Футзал жамоаси........
Колаверса буларнинг хаммасига керак булган коооота. маблаг ......
+1   
05 дек 12:33:40
BXZ BXZ
Ёш футболчилар яна камига захирада тузланиб ётган боллардан кам харажатли жамоа тузиб Суперга олиб чикиш катта мехнат ва кобилият талаб килади . Кападзега омад олимпиадага йу́лланмани ку́лга киритсин .
+1   
05 дек 12:21:04
Nazarov Sodiq
Темур Копадзе- яхши тренер бўлиш учун 10 йил ҳам камлик қилади,сан поддержкада юрибсан ўқиётган бўсанг яхшилаб эслаб қол эрта индин МТЖни қўлга оламан деб ўйлама.Ҳали санга анча бор
   
05 дек 22:27:39
Akmaljon
F/C Andijon фойдаланувчининг фикрига жавоб бериш
Олимпик Супер лигага кандай тез чмккан булса. Шундай тушиб кетади!!!! Суперлига босимига чида олмайди. 2022 - йил чемпионат номини узгартириш керак. Супер лига эмас......Тошкент лигаси деб юритиш керак! Чемпионатни Тошкент вилоят жамоалари купайиб бормокда! Яна купаяди шекилли. Менимча яна Дустлик ва Обод жамоалари чикса чемпионат тугайди)))))
Тошкент вилоятидан 2 та жамоа бор холоску. Тошкент вилоятидан жамоалар купайиб боргани йук, 2 та эди 2 талигича колди. Масалан, утган 2021 йилда Кашкадарёдан ва Фаргона вилоятидан хам 2 тадан жамоа катнашдику супер лигада. 2022 йилда хам Фаргона вилоятидан 2 та жамоа катнашади
championat.asia
< сўнгги янгиликларни кўриш
Яндекс.Метрика