UZ

Сўнгги янгиликлар

22:40"Қизиқарли факт". Арсен Венгерни жароҳатлашига оз қолган Ҳабиб Коло Туре ҳақида  1 22:10"Биз ҳамиша биргамиз". Хитойдаги Одил Аҳмедовдан Ўзбекистонга инсонпарварлик ёрдами  16 22:05Кассано: “Унданда чиройлироқ эдим”  0 21:55Клуб мураббийлари ўз мамлакати термасини бошқарса  6 21:35Беларусь чемпионатини Sky Sports таҳлил қилмоқда, Тожикистон юқори лигасини эса …  12 21:05ПСЖ Икардини сотиб олишга қарор қилди  5 20:53ФИФА собиқ вице-президенти ЖЧ-2018 мезбонини танлаш учун 5 млн доллар олган, яна бир амалдорга эса пора таклиф қилинган  3 20:50Интервью. Амиржон Сафаров: “Пули қанчалик кўп бўлса ҳам, маҳорати бўлмаса яхши футболчи бўла олмайди”  2 20:15Беларусь чемпионати. 3-тур рамзий жамоаси эълон қилинди  10 20:05Сонни 1 ойлик армияда нималар кутмоқда?  2 19:35Мавсум давом этмаса, АПЛ грандлари қанча зарар кўриши маълум бўлди  2 19:28Бир ўйин тарихи. Ўзбекистон – Уммон. Олмалиқдаги футбол байрами   4 19:15Ла Лига раҳбари Испания чемпионати тикланишининг эҳтимолий уч санасини айтди  1 18:50"Реал" Мбаппенинг хариди борасидаги режасини 2021 йилга қолдирди  1 18:312014 йилнинг энг қиммат футболчилари  7

"Яшнобод" стадиони қурилишида Натко компанияси билан ҳамкорлик қилинади Янгиликлар

"Яшнобод" стадиони қурилишида Натко компанияси билан ҳамкорлик қилинади

Пойтахтимизнинг Яшнобод туман ҳокимлиги ташаббуси билан ташкил этилган “Яшнобод” футбол жамоаси Ўзбекистон миллий чемпионати ПРО лигасида ўзининг дебют мавсумини ўтказмоқда.

Гарчи, яшнободликлар илк маротаба мамлакат миқёсидаги мусобақада қатнашаётган бўлсалар-да, ўзларининг ёрқин ўйинлари билан мухлис ва мутахассислар эътиборини қозонаётганлиги шубҳасиз. Айниқса, жамоа аъзолари Ўзбекистон кубоги — 2019 баҳсларида чиройли ўйинлар кўрсатганлиги аҳамиятлидир. Амалдаги мавсумда Азизжон Файзиев шогирдлари ПРО лига вакиллари орасида супер лига жамоасини мағлубиятга учратган ягона клуб сифатида тарихдан жой олди.

Буларнинг барчаси аввало Яшнобод туман ҳокимлиги ва хомийларнинг “Яшнобод” жамоаси учун шарт-шароитлар яратишга алоҳида эътибор бераётганлиги билан белгиланади. Яшнободликлар машғулотларни тумандаги 198-сонли умумтаълим мактаби стадионида ўтказса, уй учрашувларини “Яккасарой” спорт мажмуасида ўйнаб келмоқда.



Келгусида футболчилар учун замонавий шарт-шароитлар яратишни ўз олдига мақсад қилган Яшнобод туман ҳокимлиги яқинда яна бир амалий ишга қўл урди. Туман ҳокими Хожиакбар Тиллашайхов ташаббуси билан “Яшнобод” жамоаси учун сунъий қопламали футбол майдони ва машғулотлар базаси барпо қилинадиган бўлди.

Бугун Яшнобод туман ҳокимлигида туман ҳокими Хожиакбар Тиллашайхов мазкур лойиҳа бўйича дунёга машҳур HATKO SPORTS TECHNOLOGIES CORP компанияси вакилларини қабул қилди.



— Юртимиз истеъдодли ёшларга бой, — деди Хожиакбар Камолиддинович. — Мақсадимиз — келгусида уларни тарбиялаш, иқтидорли ёшларни кашф этиш учун шарт-шароитлар яратишдан иборат. Ташкил топганига эндигина бир йилдан ошган “Яшнобод” жамоамиз мамлакат миллий чемпионати ПРО лигасида қатнашмоқда. Футболчиларимиз эришган натижалар билан ҳали мақтанишга эрта. Бунинг учун аввало футбол клуб ўз инфраструктурасига эга бўлиши лозим. Кейин биз жамоа олдига жиддий вазифалар қўйсак ярашади. Шуни ҳисобга олиб, “Яшнобод” профессионал футбол клубига замонавий қароргоҳ барпо этамиз. Бу борада бизга катта тажрибага эга HATKO SPORTS TECHNOLOGIES CORP компаниясини тавсия қилишди. Сунъий қопламали футбол майдони билан биргаликда бу масканда 30 ўринли ётоқхона, машғулотлар майдончалари, ювиниш ва ечиниш хоналари, тренажёрлар ҳамда автотураргоҳ ҳам бунёд этилади. Янги стадион ўз бағрига уч минг томошабинни сиғдира олади. Ишонаманки, яратиладиган замонавий шароитдан сўнг, туманимиз шарафини ҳимоя қилаётган жамоамиз миллий чемпионатда ҳам ўз мавқеига эга бўлади ва мухлислари сафи янада кенгаяди.



Туман ҳокими ҳамроҳлигида компания вакиллари янги спорт иншооти қурилиши мўлжалланган манзилга ташриф буюришиб, янги лойиҳа бўйича зарур чора-тадбирлар хусусида маслаҳатлашиб олишди.

— Замонавий шароитларга эга футбол клубининг келажаги порлоқ бўлиши табиий, — дейди HATKO SPORTS TECHNOLOGIES CORP вакили Юрий Эльчибеков. — Бундай ҳамкорликдан мамнунмиз, албатта. Чунки бу компаниямизнинг Ўзбекистондаги биринчи лойиҳаси эмас. Бунгача ЎФА қошидаги “Чиғатой” терма жамоалар ўқув-машғулотлар марказида ҳам Туркия технологияси асосида сунъий қопламали майдон барпо этганмиз. Спорт базаси учун танланган жой ҳам бизга манзур бўлди. Шундоққина янги қурилаётган ерусти метро йўли ва бекати ёнгинасида экан. Бу келгусида футбол мухлислари учун ҳам, футболчилар учун ҳам қулайлик яратади, албатта.


Рейтинг: +6   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг