Хулен Лопетеги: “Учинчи гол бизни синдирди”

-Биз яхши имкониятларга эга бўлдик. Аммо бу ғалаба учун етарли бўлмади. Бэйл? Менимча, у жуда яхши ўйнади. Мавсумнинг ушбу босқичида унинг спорт формасида эканлиги ажойиб. Ўйлайманки, у шу руҳда ўйнашда давом этади.

-Сизни бугун нима кўпроқ ранжитди?

-Биз мағлуб бўлдик. Албатта, бу хурсанд этадиган ҳолат эмас. Биз тўртта гол ўтказдик, бу албатта, яхши эмас. Бундай бўлиши керакмас. Учинчи гол бизни “синдирди”. Биз жавоб голини уришни жудаям истагандик. Аммо якунда яна гол ўтказдик ва ҳаммаси тугади.

-Зидан қўл остида жамоа кетма-кет уч марта ЕЧЛда ғолиб чиқди. Балки жамоа кубоклардан “тўйиб” қолгандир?

-Кўпчилик шундай деб ҳисоблайди. Аммо биз уйғонишимиз ва эртадан бошлаб Испания чемпионати ҳақида ўйлашимиз лозим. Ўйлайманки, футболчиларимиз катта ютуқларни қўлга киритишга чанқоқ,- дея ўз фикрларини билдириб ўтди қироллик клуби бош мураббийи.