Хосеп Гвардиола "Ман Сити"дан Доннаруммани сотиб олишни сўради

Қайд этилишича, трансферга "шаҳарликлар" устози Хосеп Гвардиоланинг шахсан ўзи қизиқиш билдирмоқда. Англия гранди Доннарумманинг шартномаси атрофидаги вазиятни диққат билан кузатиб бормоқда. Агар италиялик ПСЖ билан меҳнат шартномасини узайтиришдан бош тортса, унда "Ман Сити" дарвозабонни ўз сафига қўшиб олишга ҳаракат қилади.

Жанлуижи Доннарумма ўтган мавсум ПСЖ сафида барча мусобақаларда 40та ўйин ўтказди ва уларда 39 та тўп ўтказиб юборди. Шунингдек, футболчи ҳисобида 12 та "қуруқ" баҳс бор. Италияликнинг меҳнат шартномаси 2026 йилнинг ёзигача амал қилади. Transfermarkt портали футболчини 35 млн еврога баҳоламоқда.