Хайнкес: “Ҳакамлардан эмас, ўзимиздан ўпкалашимиз лозим”

“Ҳар иккала ўйинда ҳам биз “Реал”дан яхшироқ ўйнадик. Биз биринчи бўлимда жаҳон даражасида ўйин кўрсата олдик, аммо катта ва қўпол хато барчасини ўзгартириб юборди. Биринчи навбатда орқага бунақа тўп узатилиши керак эмасди. 

“Реал” сафида Навас энг яхши бўлди. Левандовски билан боғлиқ вазият? Менимча бу ҳақда қандайдир салбий гап гапирилса, журналистлар унга қўшилиб муаммони катталаштиришади. Мен вазиятни бошқача кўраяпман.

Пенальти? Албатта, вазиятни такроран кўргач фол бўлганлигини кўрдим. Аммо буни муҳокама қилмоқчи эмасман. Биз ўзимиз вазиятларни голга айлантира олмай, “Реал”га шунчалик кўп “совға” тақдим этдикки, ҳакамларнинг хатосидан нолимасак ҳам бўлади”, деди Хайнкес.