UZ

Сўнгги янгиликлар

18:20Суперлига. "Динамо" – "Металлург": Асосий таркиблар маълум  0 18:15ПРО лига. Тошкентда ўтган "Бухоро" - "Хоразм" учрашувида дуранг қайд этилди  10 17:43Винченцо Итальяно мавсум охирида клубдан кетади  0 17:25Альфонсо Дэвис "Бавария" билан янги шартнома имзоламайди  0 17:01"Бунёдкор" янги бош мураббий номини эълон қилди  12 16:20"Евро-2024"да ҳеч ким Англия билан тенглаша олмайди"  7 15:57"Қизилқум" "Локомотив" билан ўйин учун қайдномасини эълон қилди  0 15:26Суперлига. 4-тур учрашувларини ўтказиб юборадиган футболчилар  4 15:10Маркус Рэшфорд Евро-2024га бора олмаслиги мумкин  1 14:38Парехо Винисиус ҳақида: "Ажойиб спортчи, аммо ўйинчилар ўзини футболга бағишлаши керак. Мени пиёниста дейишарди, лекин бунга эътибор бермаганман ва жавоб қайтармаганман – бундай одамлардан юқорироқ бўлиш зарур"  1 13:47Суперлига. 9та клуб дастлабки 3та турда фақат бир хил формадан фойдаланди. Бунга сабаб нима?  5 13:44"Манчестер Юнайтед" "Реал" футболчисини сотиб олмоқчи  1 13:23Хавининг дисквалификацияси бўйича апелляция рад этилди   1 12:50Ўзбекистон кубогининг саралаш босқичига қуръа ташланди  5 12:15Месси: "ЖЧ-2022да ғолиб бўлмаганимизда, мен терма жамоадан кетардим"  8

Хави: "Агар ВАР бўлганида, бошқа натижа ҳақида гапиришимиз мумкин эди" Янгиликлар

Хави: "Агар ВАР бўлганида, бошқа натижа ҳақида гапиришимиз мумкин эди"

ОЧЛ 1/8 финалида Эроннинг "Персеполис" клуби "Ал Садд"ни 1:0 ҳисобида мағлуб этиб кейинги босқичга йўл олди.

Ўйиндан кейинги матбуот анжуманида "Ал Садд" устози Хави қуйидаги фикрларни билдирди. 

- Мен жуда хафаман. "Ал-Садд"да кўп вазиятлар бўлди ва бу кейинги босқичга ўтиш учун етарли эди. Ўйин тенг кечди, тўпга эгалик қилиш, зарбалар бериш, вазиятлар яратиш... Мен йигитларга битта хато қилсак ҳам бу бизга қимматга тушишини айтгандим. Биз айнан ўша битта хатога йўл қўйдик ва рақибга ютқаздик.

Бизда кайфият яхши эди, ўйинни ҳам назорат қилдик. Бу футбол. Афсусдаман. Бугун ҳалабага лойиқ ўйин кўрсатган бўлсак-да, мағлубиятга учрадик, баъзида футболда шу каби адолатсизликлар ҳам учраб туради.

Ўйлашимча, бизда ВАР йўқлиги ачинарли ва афсуслунарли. ВАР йўқлиги бугунги кундаги долзарб масала. Ҳакамлар ҳақида гапирманг, чунки улар хато қилишади. Хатолар кўп учрайди, аммо ВАР буни тузатган бўларди. Агар ВАР бўлганида, бошқа натижа ҳақида гапиришимиз мумкин эди. Осиёнинг энг яхши турнири учун яхши шароитлар керак, аммо бугун бизда бу йўқ эди.


- Сизнингча, "Ал Саад" бугун рақибдан яхшироқ ўйнадими?

- "Ал Садд" бугун зўр эмасди (якуний натижа назарда тутиляпти). Кичик деталларда адашдик. Ўйинни назорат қилдик, имкониятлар яратдик. Кўплаб бурчак тўпларига эга бўлдик, зарбалар йўлладик. Менимча, биз яхшироқ эдик. Футбол ўзи шунақа. Биз буни тўғри қабул қилишимиз керак. Давом этишимиз, ўз тажрибамизни оширишимиз, янада кучлироқ бўлишимиз ва қайта уриниб кўришимиз лозим.


- Ўйин сўнгида "Персеполис" кучлироқдек кўринди, бунга жисмоний тайёргарлик сабаб бўлдими?

- Менимча, бу асосий сабаб эмас. Улар ҳам чарчашган эди. Рақобат қийин, ҳар 3 кунда ўйнаш жуда қийин. Бу жуда мураккаб тақвим. "Персеполис" ҳам жуда чарчади, лекин улар ҳам шундай тақвим асосида ўйнадилар. Биргина вазият ва улар бундан фойдаланиб қолишди. Бу футбол. Биз кучлироқ эдик, лекин...


- Пенальти билан боғлиқ вазият ҳақида нима дея оласиз?

- Сиз нима дейсиз? Сизнинг фикрингиз қандай? Жавоб беринг...  Ҳа, адолатсиз муносабатда бўлишди: ҳамма кўриши мумкин бўлган вазият эди. Нима дейиш мумкин, бу адолатсизлик. Асосий сабаб шундаки, бизда ВАР йўқ, лекин буни ҳамма кўриб турибди. Ҳеч нарса қўшимча қила олмайман. Бу ҳақиқат ва биз ҳақиқатни айтиш учун шу ердамиз.


- Сиз 2017 йилдан буён "Ал Садд"дасиз, аввал футболчи сифатида, энди эса мураббий. Сизнинг қўл остингизда Касорла каби юлдузлар ва Қатар терма жамоаси аъзолари бор. Нега мақсадларга эриша олмаяпсиз?

- Менимча, бизга кўпроқ омад керак. Бугун бизга омад кулиб боқмади. Ўша йилларда биз кўпроқ ғолиблик менталитети ва эътиборга муҳтож эдик. Ушбу қадриятлар плей-оффда жуда муҳим. Бизга кўпроқ эътибор, ритм, интенсивлик керак. Биз олдинга интилишда давом этишимиз лозим.

Энди лига, Амир кубоги ва кейинги мусобақаларда ғолиб чиқишга ҳарақакат қиламиз. Мухлислар ва клубнинг ҳафсаласини пир қилдик. Бу спорт. Биз, албатта, қайтишимиз ва ютишимиз шарт. Бу мухлисларнинг ишончини тиклаш ва оқлаш чорасидир.  

Рейтинг: +10   

Фикрлар

championat.asia
< сўнгги янгиликларни кўриш
Яндекс.Метрика