– Супер даражадаги футболчилар билан ишлаш қийинми?
– Улар талабчан, улар профессионаллар. Улар турли вазиятларга тушиб туради, лекин айнан шу уларни ўз даражасига етказади. Улар билан алоқа ўрнатиш керак.
– "Реал" кўпроқ футболчилар клуби, мураббийларники эмас" деган фикр бор. Нима дейсиз?
– Менимча, ҳар қандай жамоада футболчилар энг муҳим. Ҳаммаси футболчилар маҳорати, ишга муносабати ва қай даражада тайёргарлигига боғлиқ... Биз уларни қўллаб-қувватлаймиз ва ёнида бўлишимиз керак.
– Футболчилар мураббийнинг обрўсини тушириб юбора олади деб ўйлайсизми?
– Футболчиларни ҳурмат қилиш керак. Мен бу ҳақда кўп гапирмайман. Мен кийиниш хонасидаги ҳаёт нимадан иборат эканини, нима билан юзма-юз келишни ва ташқи босим билан қандай курашишни биламан. Бундай вазиятлар диққатни йўқотишимизга сабаб бўлмаслиги керак.
Натижалар кутганимиздек эмас, оқибатларини биламиз, лекин бу бизни интилаётган йўлимиздан четлатмаслиги керак, – деди "Реал" мураббийи.
