Владимир Никитенко: «Гейнрих учрашувнинг энг яхши ўйинчиси бўлди»

— Бугун бизнинг вазифамиз гол уриш ва ўтказмаслик эди. Фақат битта вазифани уддаладик. Рақиб сафидаги футболчилар маҳорат бобида кучли, бу ўйинда ўз сўзини айтди. Биз ёмон ўйнамадик, аммо рақиб ҳимоядаги хатоларимиз учун жазолади.

— Бугунги ўйиннинг энг яхши ўйинчиси деб Гейнрихни айтса бўладими?
 — Гол урди (кейинчалик автогол деб ёзилди). Вазиятлар яратди. Жарима тўплари ишлади. Учинчи гол уришимиз керак бўлган вазиятда жуда яхши тўп узатишни амалга оширди. Балки, у ҳақиқатан ҳам энг яхши бўлгандир.

— Бугунги натижадан сўнг «Актобе» «Динамо»дан ўта оладими?
— Бугунги ўйиндан сўнг таҳлил қиламиз ва сафардаги ўйинда ўзимизни кўрсатишга уринамиз. Футболда барча нарса бўлади. Ҳимоядаги ўйинимизни кучайтиришимиз керак. Ҳужумдан эса кўнглим тўқ, умумий ғалабага умид қиламиз.