UZ

Сўнгги янгиликлар

02:24Суперлига. "Сурхон"дан мавсумдаги илк ғалаба, "Қўқон-1912"дан илк мағлубият, "Бунёдкор" ўз уйида "меҳмон" бўлди  0 01:31Бундеслига. "Бавария" сафарда иродали ғалаба қайд этди  0 01:09Саудия Арабистони. "Ал Насср" сафарда "Ал Ҳилол"ни мағлуб қилди, Роналдудан дубль!  10 00:59U-17 Осиё Кубоги. Япониядан йирик, Ямандан ишончли ғалаба  0 00:17Февзи Давлетов: "Менга нисбатан эътирозлар? Мухлислар доимо жамоага ишониши керак"  2 23:52Баҳром Ҳайдаров: "Иккинчи қизил карточка сабабли мағлуб бўлдик"  2 23:25U-17 Осиё Кубоги. Жанубий Корея мағлуб бўлди, Австралия дуранг ўйнади  2 22:53Илёс Зейтуллаев: "Мағлуб бўлмайдиган жамоа яратиш учун ҳимояланишни, ғалаба қозонадиган жамоа бўлиш учун ҳужум қилишни билиш керак"  6 22:18Суперлига. “Сурхон” мавсумдаги илк ғалабасини 9 киши бўлиб қолган “Қўқон-1912” устидан қўлга киритди   50 21:57Улуғбек Бакаев: "Бунёдкор" ғалабани кўпроқ истаган шекилли, омад уларга кулиб боқди"  10 21:43Карло Анчелотти: "Мбаппе билан ҳужумимиз кучайди, бироқ..."  2 21:16Рубен Аморим: "Мен келаси йилдаёқ АПЛни ютамиз демаганман"  2 20:49Ислом Исмоилов: "Хитойга қарши ўйин осон ўтмайди"  3 20:22"Реал"нинг март ойидаги энг яхши футболчиси эълон қилинди  4 19:55Суперлига. "Бунёдкор" "Бухоро"ни мағлуб этди ва пешқадамга айланди  31

Виталий Левченко: "1 очкога муносиб эдик" Янгиликлар

Виталий Левченко: "1 очкога муносиб эдик"

Суперлиганинг 18-тури доирасида "Пахтакор"га қарши ўйиндан кейин "Нефтчи" устози Виталий Левченко матбуот анжуманида иштирок этди.

- Ўйин олдидан "Пахтакор" нималар эвазига ҳужумга ўтиши, ўйин ташкил қилиши, бўш ҳудудлардан фойдаланишини билгандик. Шуларни билган ҳолда биз "Пахтакор" севадиган бўш ҳудудларни ёпган ҳолда ўйинга режа қилдик. Дастлабки ўйинда нима сабабдан мағлуб бўлганимизни тахлил қилдик. Бугун эса ўша хатоларни қилмасликка ҳаракат қилдик. Менимча, бугун бу режа ўхшади. Уларга бўш ҳудудлар тақдим қилмадик ва ўзлари яхши кўрадиган тезликда ўйнашига йўл қўймадик. Шу орқали муносиб бўлган 1 очкога эга чиқдик. 

- Жасур Жалолиддинов борасида маълумот борми? У қолдими ёки кетдими?

- Менинг ҳам бу борадаги хабарларим сизлар каби. Жасур ҳақида ҳеч нима билмайман. У жамоа билан эмас. Шу сабабли саволга тўлақонли жавоб бера олмайман.

- Иккинчи бўлимда жамоа кўпроқ дурангга ўйнагандек туюлди. Биринчи бўлимда эса ҳужумкорроқ ўйин кўрдик. Иккинчи бўлимдаги ўйин мураббийлар томонидан берилган кўрсатмамиди?

- Йўқ. Аксинча, биз кучларни янгилаб олдик ва кучга тўла Азизни ҳужумга чорладик. Афсуски, у ўйинга қўшилиб кета олмади ва биз кутган самара бермади. Шунингдек, бизда ҳимоядан ҳужумга тезкорлик билан ўтиш режамиз амалга ошмади, кўпроқ вақтимизни ҳимояда ўтказдик ва қарши ҳужумга чиқа олмадик. Лекин ўйинга биз бошқачароқ ёндашгандик.

- Савол Норчаев бўйича. Эшитишим бўйича унинг соғлиғида муаммолар бор ва операция қилинган.

- Маълумот тўғри. Биринчи навбатда виза бўйича муаммо бўлди. Шенген визасини олиб, бошқа давлатда жарроҳлик столига ётиши керак эди. Шу сабабли у бу ерга қайтиб, шу ерда тикланиш жараёнларини ўтказди. Қачон у яхши бўлса, сафга қайтади. Яқин вақтларда у операция қилинади.

- Саволим ўйин сифати бўйича. Жамоада пасайиш кузатилаётгандек.

- Йўқ. Биз доимо ўз ўйинимизга эътибор қаратамиз. "Пахтакор"га қарши биринчи ўйинда биз рақибга катта ҳудудлар тақдим қилганмиз ва улардан фойдаланиб кетишган. Ўйинни тахлил қилган ҳолда уларга қай тариқа бўш ҳудудлар бермасликни кўриб чиқдик. Агарда зичроқ ўйнамасак, улар кичкина ёриқдан ҳам ўтиб кета олишларини кўрдик. Бугунги ўйинни статистикасини қаранг, менимча 70 фоиз вақт давомида "Пахтакор" тўп билан бўлди. Лекин тўпни ушлаб турди дегани ғалаба дегани эмас. Биз рақиб кучидан келиб чиққан ҳолда ўйинга тайёргарлик кўряпмиз.

- Бугун жамоа қимматли очколарни бой берди. "Нефтчи"нинг совринли ўринлар учун имкониятларини қандай баҳолайсиз?

- Агарда турнир жадвалига қарасангиз, тепада медаллар учун курашаётган жамоалар гуруҳ бўлиб олишганини кўрасиз. Умуман олганда имконият бор экан, таслим бўлмаймиз, жадвалда юқорироққа кўтарилиб, медаллар олишга ҳаракат қиламиз. Биз шу йўналишда ишлаяпмиз. "пахтакор"га қарши ўйинда очко йўқотиш ҳам унчалик яхши натижа эмас. Биз барча ўйинларда уч очко учун ўйнаяпмиз. Параллел ўйинларга қарасангиз, "Сўғдиёна" сўнгги дақиқаларда бир очкони илиб кетмоқда. У ерда ҳам кураш, босим бўлган. Ҳеч қайси жамоа очколарни осонликча бериб қўямаяпти ва жон-жаҳди билан курашмоқда.

- Бугунги ўйинда бошқа позиция футболчилари ҳимояда ўйнашга тўғри келганини кўрдик. Умуман олганда бу сизни қаноатлантирдими? Келаси ўйинларда марказий ҳимояда яна асосий футболчилар ўйнайдими?

- Умид қиламизки, футболчилар сафга қайтади. Зоир Жўрабоев юзидан операция бўлди Малайзияда. Анвар Ғофуров эса мушакларидан жароҳат олган. Унинг тикланиши яхши кетяпти ва келаси ўйинда майдонга тушиши кутилмоқда. Ҳа, муаммолар бор, лекин йигитлар буни тушунган ҳолда шериклари ўринни ёпишини кўрсата олишди ва натижага эришишди.

Рейтинг: -2   

Фикрлар

championat.asia
< сўнгги янгиликларни кўриш
Яндекс.Метрика