Виллиан: "Камп Ноу"даги баҳс умуман бошқача бўлади"

"Қийин баҳсда яхши ҳаракат қилдик. Бизда режа бор эди ва ҳаммасини ўйлаганимиздек бажардик. Улар тўпга эгалик қилишди, биз эса ҳужум уюштириш пайида бўлдик, бу баҳсда ғалаба қозонишимиз мумкин эди. Аммо зафар қуча олмадик, кейинги босқичга чиқадиган жамоа номи ҳозир ҳам номаълум, биз меҳмонда ўйнашимиз керак. "Барселона" кўпроқ тўпга эгалик қилишди, бироқ етарлича хавфли вазият ярата олишмади. Рақиб майдонига йўл олиб, у ерда ғалабага эришишимиз мумкин.

"Камп Ноу"даги ўйин умуман бошқача бўлади ва биз бугунгидек рухиятда бўлишимиз керак. Жавоб учрашуви уч ҳафтадан сўнг бўлади, бизда АПЛда қийин баҳслар бор. Энди бошқа ўйинлар ҳақида ўйлашимиз керак, "Барселона" борасида кейинроқ бош қотирамиз" - дейди Виллиан.

"Барселона" ҳамда "Челси" ўртасидаги жавоб учрашуви 14 март куни Испанияда бўлиб ўтади.