Видео + фото. Бразилия- Колумбия ўйинидан сўнг жанжал юзага келди

Мусобақа фаворитларидан бири Бразилия терма жамоаси кутилмаганда Колумбияга 0:1 ҳисобида имкониятни бой бериб қўйди.

Учрашув бош ҳаками Энрике Оссеснинг ўйин якунлангани ҳақидаги ҳуштаги чалингач Бразилия терма жамоаси ҳужумчиси Неймар тўпни жахл билан тепиб юборди, тўп эса ғалабани нишонлашни бошлаб юборган Пабло Армерога бориб тегди. Шундан сўнг Колумбиянинг ғалаба голи муаллифи Мурилло "Барселона" аъзосига икки оғиз гап айтди, бунга жавобан ҳужумчи енгилгина қилиб "калла қўйди". Карлос Бакка эса ортдан келиб Неймарни итариб юборди. Хуллас ҳар икки терма жамоа ўйинчилари ўртасида жанжал юзага келди. Оқибатда, Бакканинг либоси йиртилди, камига ҳакам Неймар ва Баккага қизил карточка кўрсатди.

Қуйида Бразилия- Колумбия ўйинидан кейин рўй берган жанжални кузатишингиз мумкин.

TAS-IX



TAS-IX эмас