Венгер ва Фергюсон: энг яхши дўстлар

"Арсенал"нинг айрим мухлислари бундан хурсанд бўлиб, "Ниҳоят" дейишди. Журналистлар эса унинг кетиши борасидаги ўз фикрларини билдиришди. Кўплаб мақолалар чоп этишди.

Иан Райт "Арсенал" Арсен Венгер истеъфога чиқарилмасдан, уни чиройли тарзда кетказиб юборишни ўйлаши кераклигини айтмоқда. Қачонки, бир ўқитувчи 10 йил олдин нафақага чиқиши керак-у, бироқ у бунга қўрқиб, яна ишлаб, шогирдларини олтин медаль сари етаклаган инсон билан чиройли тарзда хайрлашишни ҳам билиш керак. У ўз касбида сидқидиллик билан ишлади.

Кулгили ва оғир ҳолат. Оғирлиги шундаки, Арсен шакллантирган жамоанинг 2000 йиллар бошида қандай даражада бўлганлигини эсланг. Сер Алекс фаолиятини якунлаши аниқ бўлганида, Арсен МЮни бошқариш учун асосий номзод қилиб кўрсатилганди. Бироқ у "Арсенал"да режалар ва лойиҳалар ўйлаб қўйгани боис, рад жавобини берди.

Ўйинлар, жанглар, жанжаллар. "Урушлар ҳаёт учун эмас, ўлим учун бўлди". Венгер илк мавсумиданоқ, мураббийлар билан "жанг" қилишни бошлади.

Венгер Фергюсон учун қизил боғич каби эди, Фергюсон Венгер учун ҳам шундай бўлди. Улар футбол ерининг ҳар бир қаричи учун курашишди: чемпионатда ҳам, кубокда ҳам. Улар ҳар бир кунда, ҳар бир вазиятда жоҳиллик билан, бир бирига қарши қаҳрамонларча курашишди. 2003 йилнинг 21 сентябридаги "Олд Траффорд"да бўлган жангни эсланг. "Арсенал"нинг олтин чемпионлиги...

"Ван Нистелрой ҳам ёрдам бера олмади. У ҳар доим изланарди", - Арсен Венгер.

Энди кейинги мавсумдаги баҳсни ким эслай олади? Руд ван Нистелрой руҳий томондан анча тозаланиб олгани, 19 ёшга кирган кунида Уэйн Рунининг урган голи ("Мени ҳеч ким туғилган куним билан табрикламади, ўзимни ўзим табриклайман")... Ўша вақтда ёш бўлган Сеск Фабрегасни Сер Алекс жамоаси пицца бўлакларидек "еб ташлашганди".

"Уларнинг ўзини тутиши... Бундан ёмонини кўрмаганман. Улар сувдан қуруқ чиқдилар", - Сер Алекс Фергюсон.

Кейин нима бўлди? Ҳеч ким билмайди.

"Канонирлар" ҳар доим кучли тўртликда бўлишарди ва яна чемпионликка эришишди. Венгер ва Фергюсон - Премьер-лигани ўз қўлларида ушлаб турадиган икки атлант бўлди. Ундан ўтадиганлар эса топилмади.

Ёш Жозе Моуриньо "Челси"да ишлаб юрган вақтларидаёқ ҳурматга эриша олди, жамоасини елкасига кўтарди. Уни олдинга бошлайдиган инсон керак эди, Сер Алекс шундай қилди. Венгер ҳам унга айрим ишларни тушунтирди, бироқ айрим одатларини ўргатмади. Шу ерда ҳам айнан улар деярли бир хил вазифани бажаришди.

Кейинчалик Чемпионлар лигаси деган ушалмас орзу яна саробга айланди. 2006 йил ЕЧЛ финалида Йенс Леманга кўрсатилган қизил карточка, Виейра, Бергкамп ва Анрининг ўзини кўрсата олмаганлиги... "Арсенал" мағлуб бўлди.

"Сити" пайдо бўлди, улар "канонирлар"дан устунроқ бўлиш учун трансферлар учун катта маблағ сарфлашди. Футболчилар медаллар ва совринлардан умид қилмай қўйди. Француз эса ўз тарбияланувчилари, янги стадионга ишонди.

Менежерлар ўртасидаги муносабат узоқ муддатлик бўлмади. Сабаб? Сер Алекс жамоаси "Арсенал"дан устун бўлган.

2011 йилги (8:2) учрашувдан кейинги матбуот анжуманида шотландиялик мураббий бундай ҳисобни хоҳламаганлигини айтганди.

"У бунга лойиқ эмасди", - Сер Алекс Фергюсон.

Одатда кучли жамоалар бундай ҳисоблар билан асосан жуда ожиз, кучсиз рақибларни ютарди.Ҳақиқатдан ҳам, Арсеннинг “Арсенал”и кучли жамоа эди.

"Биз узоқ йиллардан буён бир клубда ишламоқдамиз. Клубда ишлайдиганлар бир неча ойдан кейин ишдан кетади. Фақатгина иккимиз қолдик. Бир кун келиб, қуёш ботади ва кеч тушади", - Сер Алекс Фергюсон.

Ўтган йилнинг декабрида Венгер АПЛда ўйин ўтказиш борасида Ферги билан тенглашиб олди. Шотландияликда 810 ўйинлигича қолиб кетди, Венгер эса яна ишлади. Фергюсон ишдан кетганда фарқ шундай эди: 772-810. У "Юнайтед" билан 20 соврин ютди, кейинчалик ван Персига ҳам совринлар қўлга киритишда ёрдам берди.

"Шундай буюк инсоннинг рақиби бўлганимдан мамнунман", - Сер Алекс.

Шотландиялик нафақага чиққанидан кейин ушбу соғлом рақобат ўз якунига етди. Энди эса Венгер ҳам кетмоқда. Улар буюк мураббийлар бўлиб қолишади.

Миржалол Норматов таржимаси