Вадим Абрамов келаси мавсумда ҳам иккита жамоани бошқаради

Бу ҳақда "Бунёдкор" бош директори Улуғбек Мирзаев сайтимизга берган интервьюсида маълум қилди.

"Вадим Абрамов келаси мавсумда ҳам "Бунёдкор"даги ишини давом эттиради. Бу борада келишувга эришилди. Яъни, клуб ва терма жамоадаги иш параллель равишда давом эттирилади", - дея таъкидлади Улуғбек Мирзаев.

Видео  "Бунёдкор" бош директори: "Навбаҳор" 4 футболчимизни трансфер қилмоқчи, икки ўйинчимиз билан кейинги ҳафта шартномани бекор қиламиз" 

Видео  Вадим Абрамов: "Бунёдкор"да қолишни ва ОЧЛга йўлланма олишни истайман" 

Шунингдек, Вадим Абрамов "Навбаҳор"га қарши ўйиндан кейинги матбуот анжуманида клубдаги фаолиятини давом эттирмоқчи эканлиги ва бу ҳар тарафлама фойдали бўлишини айтганди.

"Ўтган гал терма жамоа рулига келгач ўз хоҳишим билан "Локомотив"дан кетишни афзал билгандим. Чунки ўша пайт учун бу фойдалироқ бўлишини ҳис қилгандим. Ҳозирги кунда эса клубдаги ишимни ҳам давом эттиришим кўпроқ фойда беради. Чунки терма жамоа фақатгина "Пахтакор" жамоасидан иборат бўлиб қолмаслиги керак. Рақобат лозим. Иккала жойда ишлаш менга ноқулайлик туғдираётгани йўқ", - деди Абрамов.