Вадим Абрамов: "Бизнинг фақатгина ҳакамлар орқали ютаётганимизни айтишганидан кейин мана нималар бўлди"

- Нима ҳам дердим. Ўйинни биринчи бўлимдаёқ тугатиб қўйишимиз мумкин эди. Афсуски, рақибларнинг унчалик хавфли бўлмаган биринчи ҳужуми гол бўлди. Аслида бундай ҳолатларда тўп дарвозага кирмаслиги керак эди. Стандартдан кейин иккинчи голни ўтказиб юбордик ва барчаси тугади. Шундан кейин майдонда футбол эмас, футболга ўхшаш спорт тури ўйналиши бошланди. Иккинчи голни урганимиздан кейин бизга вақт етишмади. Бундай ўйинларда ғалаба қозониш қийин бўлади. Майдонда нималар бўлганини барча кўрди. Бизнинг фақатгина ҳакамлар орқали ютаётганимизни айтишганидан кейин мана нималар бўлди. Ҳакамликни назорат қиладиганлар бу ҳолатларни ўрганиб чиқишар. 

- Ҳакамларнинг бундай қарорлари футболчиларнинг рухий ҳолатига таъсир ўтказадими?

- Албатта. Бундай ҳолат билан биринчи марта тўқнаш келяпман. Шунчаки ҳакамлар бизга футбол ўйнашимизга йўл қўйишмади. 

- Григалашвили ва Бойдуллаевнинг майдонга тушмагани таъсирини ўтказдими?

- Йўқ. Режа қилган ишларимизни майдонда кўрсатишга ҳаракат қилдик. Балки барчаси ҳам ўхшамагандир. Шунчаки ҳолат шундай кўриниш олди.

- "Ғиждувон" жамоаси Сизни ҳайрон қолдира олдими?

- Ҳа, албатта. Жуда кўп ҳайрон қолдирди. Майдонда кўп футболчилари жароҳат олди. Иккинчи бўлимда футбол ўйнаганимиз йўқ. Менимча шундай. Ажойиб, уларни табриклайман.