Усмонали Исмоналиев: "Навбаҳор" мухлисларидан узр сўрайман"

Жонли эфир давомида футболчи "Андижон" сафида "Навбаҳор"га қарши ўйинлардаги нишонланган гол ва жаримага тортилгани бўйича изоҳ бериб ўтди. 

"Ҳар бир футболчининг қариндошлари, унга қизиқиш билдирган одамлари, дўстлари бўлади. Биринчи даврадаги ўйинда ўша секторда оилам ҳам ўтирганди. Улар ва мен гол уришимни сезгандим. Агарда гол урсам, оилам жойлашган секторга бориб нишонлайман деган ниятим бор эди. "Навбаҳор" мухлисларига ҳеч қандай алоқаси йўқ. Атайлаб қилмаганман. Тартиб-интизом қўмитасига  ҳам тушунтирганман. Жаримага тортилганимни иккинчи давра бошланаётганда билдим. Иккинчи даврада ўйиндан олдин турли гаплар келган. Ҳар кимнинг яқинлари ўзига азиз. Майдонда ҳиссиётларга берилганман. Мухлислардан узр сўрайман",- дейди Усмонали Исмоналиев.