Уругвай - Ўзбекистон учрашуви Россияда жонли кўрсатилади
07 июн 2018 13:00
Янгиликлар

Уругвай - Ўзбекистон учрашуви Россияда жонли кўрсатилади

Ўзбекистон терма жамоасининг Жаҳон чемпионатига тараддуд кўраётган Уругвайга қарши ўртоқлик ўйини мундиал ўтказиладиган мамлакатнинг спортга ихтисослашган бош каналида жонли эфирда кўрсатилади.

Россиянинг "Матч ТВ" канали Россиянинг Жаҳон чемпионатидаги гуруҳдоши саналган Уругвайнинг Ўзбекистон билан бўладиган беллашувини жонли эфирда олиб кўрсатади. "Матч ТВ" каналининг расмий сайтидаги теледастурларида Уругвай - Ўзбекистон учрашуви жонли эфирда олиб берилиши ёзиб қўйилган.

Россияликлар ушбу ўйинни синчиковлик билан кузатишлари аниқ. Чунки ЖЧга мезбонлик қиладиган Россия терма жамоасининг бош мураббийи Станислав Черчесов ва рус матбуоти ушбу ўйинга эътибор билан қарамоқда.

Уругвай учун эса мазкур баҳс ЖЧ олдидан энг оҳирги расмий машғулот бўлади. Шунингдек, Уругвай мундиалга йўл олиш олдидан Ўзбекистонга қарши баҳсда ўз мухлислари билан хайрлашади.

Эслатиб ўтамиз, 8 июнь куни тонги соат 04:00да старт оладиган мазкур ўйинни Спорт канали ҳам жонли эфирда кўрсатади.

Ҳавола :

Манба : championat.asia

Янгиликларни Телеграмда ўқинг!

Рейтинг: +72