Унаи Эмеридан “Арсенал“ мухлисларига очиқ хат

“Мен учун бу клубни бошқариш катта шараф эди. Менга “Арсенал“нинг буюклигини тушунишга ва ҳис қилишга ёрдам берган мухлисларга чин дилдан миннатдорчилик билдирмоқчиман. Бизни сайёрамизнинг ҳар бурчагидан қўллаб-қувватлаган барчага, “Эмирейтс“га келиб совуқда ва ёмғирда раҳмат айтиш учун мени кутиб ўтирганларга миннатдорчилик билдираман. Сизга шуни айтмоқчиманки, мен жамоа учун иштиёқ билан астойдил ишладим.

Сиз билан яхши натижага эришишдан бошқа ҳеч нарсани ўйламадим.

Шунингдек, ходимларга менга бўлган муносабати учун ташаккур айтмоқчиман. Ушбу клубнинг буюклиги ҳар бир ходимда, директор, ишчи ёки кўнгилли(волонтёр)да ўз аксини топган.

Хусусан, Иван Газидис, Раул Саньлехи, Эду ва Винай Винкатешамни мени клубга ҳурмат билан қабул қилганликларини айтмоқчиман ва уларнинг берган ёрдамларини қайд этиб ўтмоқчиман. Сўнгги дақиқагача улар менга ҳурмат ва шараф билан муносабатда бўлишди.

Ушбу бир ярим йил эмоционал йиллар эди, яхши ва унчалик яхши бўлмаган лаҳзаларга бой ўтди, лекин бу клубда ишлаш бахтига муяссар бўлганимни ва мана шундай профессионал футболчилар билан бирга ишлаганимни ҳар куни ўйлаб юрдим ва омадли эканимни ҳис қилдим.

Улар ҳар доим кийган либосини ҳурмат қилишди. Улар сизнинг қўллаб-қувватлашингизга лойиқ.

Мен футболда анча лаҳзаларни кўрдим, аммо Англияда кўп нарсаларни ўргандим ва бу ерда вақтимни мароқли ўтказдим.

Ҳар доим сизга энг яхшиларини тиловчи!

© Унаи Эмери