UZ

Сўнгги янгиликлар

10:27Расман: "Монако" яна бир трансферни эълон қилди  0 10:24Футзал. АГМК жамоаси аъзоларига планшет ва пул мукофоти берилди  3 10:11"Юнайтед" Де Хеанинг ўйинларидан мамнун эмас. Унинг ўрнига бошқа дарвозабон топиб қўйилган  1 09:55"Ливерпуль" ўз тарихида илк марта АПЛда қаторасига 12 учрашувда ғолиб чиқди   4 09:45Месси "Бетис"га қарши учрашвда ҳам майдонга тушмайди   5 09:19Зидан: "Хамес "Реал"да қолса, мен ўзимни бахтиёр ҳисоблайман"   2 08:55Диего Симоне: "Торрес - футбол афсонаси"   1 08:30Начо Монреаль "Сосьедад"га ўтишга яқин  0 08:03Роберт Левандовски: "Янада яхшироқ ўйнашим мумкин"   0 07:53Карло Анчелотти: "Қийин баҳсда қандай кучга эга эканлигимизни кўрсата олдик"   1 07:45А Серия. "Фиорентина" - "Наполи" 3:4  0 07:40ЛаЛига. "Реал Мадрид" - "Вальядолид" 1:1  1 07:35РПЛ. "Уфа" - "Зенит" 1:0  0 07:30РПЛ. "Краснодар" - "Локомотив" 1:1  0 07:20Бундеслига. "Шальке-04" - "Бавария" 0:3  2

Умид Аҳмаджонов: "Ҳакамларга четдан босим ўтказишга ҳеч кимнинг ҳаққи йўқ" Янгиликлар

Умид Аҳмаджонов: "Ҳакамларга четдан босим ўтказишга ҳеч кимнинг ҳаққи йўқ"

Бугун Миллий олимпия қўмитасида янги мавсум олдидан Суперлига ва Про-лига ҳакамлари иштирокида йиғилиш бўлиб ўтди.

Йиғилишда Ўзбекистон Футбол Ассоциацияси 1-вице-президенти Умид Аҳмаджонов, ПФЛ бош директори Омон Ғофуров, ЎФА Ҳакамлар ва назоратчилар департаменти бошлиғи Маъмур Саидқосимов ва бошқа ЎФА мутасаддилари иштирок этишди.  
 
Йиғилишда сўзга чиққан Умид Аҳмаджонов Ўзбекистон футбол Ассоциацияси томонидан ҳакамларга барча шароитлар яратиб берилаётгани, бундан кўзланган асосий мақсад юртимизда ҳакамлик савиясини ошириш, ўйинларнинг холис ва адолатли бошқарилишини таъминлашдар иборат эканини айтиб ўтди.
 
“Ҳакамларимиз савиясини ошириш учун Ўзбекистон футбол Ассоциацияси томонидан барча чора-тадбирлар амалга оширилмоқда. Ҳакамлар учун хорижда ўқув-машғулотлар ташкил қилдик, улар учун турли семинарлар ўтказмоқдамиз.
 
Жорий мавсумдан бошлаб  бошқарган учрашувлари учун яхши баҳолар олган ҳакамлар Ўзбекистон футбол Ассоциацияси томонидан рағбатлантирилиб борилади. Аксинча, қўпол хатоларга йўл қўядиган ҳакамлар эса қайтиб Суперлига ўйинларига қўйилмайди, улар Про-лига мусобақасида ҳакамлик қилишади ҳамда юқори лига учрашувларини бошқаришга муносиб эканликларини бошқатдан исботлашлари керак бўлади.  


 
Мақсад ҳакамларимиз ўйинларни холис ва адолатли бошқаришсин, турли қинғирликлардан узоқроқ юришсин. Ҳакамларнинг ҳаракатлари мунтазам равишда махсус инспекция томонидан назорат қилиб борилишини ҳам таъкидлаб ўтиш зарур. Қинғир ишларларга аралашадиган ҳакамлар қаттиқ жазоланади.  
 
Учрашувларни бошқариш учун жойларга боришганида, ҳакамларга нисбатан ҳурмат юқори бўлсин. Ҳакамларга четдан босим ўтказишга ҳеч кимнинг ҳаққи йўқ. Клуб раҳбарлари, вакиллари ким бўлишидан қатъий назар агар ҳакамларга босим ўтказишга уринишса, ЎФА томонидан жазоланади. Жорий мавсумдан бошлаб ҳакамларнинг ўйинларга бориш-келиш, меҳмонхона харажатлари барчаси ПФЛ томонидан қоплаб берилади. Мақсад - ҳакамлар дахлсиз бўлсин. Ўз ишини сидқидилдан бажарсин. Фақат Ўзбекистон футбол Ассоциацияси раҳбарияти ҳакамлар ишини назорат қилади ва уларни баҳолаб боради.  
 
Равшан Эрматов бутун дунёда ҳурматга сазовор ҳакам. У эндиликда Суперлига ва Про-лига ҳакамларига кураторлик вазифасини бажаради. Ўзининг катта тажрибаси ва маҳорати билан бошқа ҳакамларга ҳам малака оширишга ёрдам беради. Ҳакамларимиз фақат Ўзбекистон доирасидаги учрашувларда ишламай, ФИФА ва ОФК таснифидан ўрин олган ўйинларда кўпроқ ишлашларига эришишимиз зарур. Бунинг учун ҳар бир ҳакам ўз устида кўп ишлаши, меҳнат қилиши талаб этилади. Шундагина ривожланиш, ўсишни кузатиш мумкин бўлади”, - деди Умид Аҳмаджонов.


Рейтинг: +7   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг