"Турон"да клуб президенти лавозимидан озод этилди
28 ноя 2021 11:12
Янгиликлар

"Турон"да клуб президенти лавозимидан озод этилди

Хабарингиз бор, куни кеча "Ўзбекистон" ўйингоҳида Coca-Cola Суперлиганинг 26-тури доирасидаги "Турон" - "Андижон" учрашуви бўлиб ўтди.

Мазкур ўйин якунидан сўнг клуб раҳбарияти ва таъсисчилари иштирокида кенгайтирилган йиғилиш бўлиб ўтди. Клубимиз қароргоҳида ташкил этилган ушбу йиғилиш давомида жамоанинг мавсум давомидаги натижалари танқидий кўриб чиқилди ва муҳокама қилинди. Шундан сўнг бугунга қадар клуб президенти лавозимида ишлаб келган ёш мутахассис Абдуваҳоб Аҳмадалиев ўз аризасига кўра эгаллаб турган лавозимидан озод этилди.
“Турон" футбол клуби Абдуваҳоб Аҳмадалиевни жамоамиздаги фаолиятига самимий миннатдорчилик билдиргани холда келгусида улкан зафарлар ёр бўлишини тилайди, - деб ёзилади клуб баёнотида.

Ҳавола :

Манба : "Турон" футбол клуби матбуот хизмати

Янгиликларни Телеграмда ўқинг!

Рейтинг: +2