Туркманистон терма жамоасига янги бош мураббий тайинланди
26 май 17:20
Янгиликлар
Туркманистон терма жамоасига янги бош мураббий тайинланди
42 ёшли мутахассис ҳам футболчи, ҳам мураббий сифатида катта тажрибага эга. Мередов профессионал фаолиятини 1999 йил "Небитчи" таркибида бошлаган, кейин "Дагдан", "Галкан", "Аҳал" ва "Едиген" жамоаларида ўйнаган.
Футболчилик фаолиятини якунлаб, PRO тоифали мураббийлик лиcензиясини олган Ровшан Мередов 2013-2020 йилларда Ашхободнинг "Едиген" ва "Аҳал" жамоалари клубларини бошқарган. Унинг қўл остида жамоалар миллий чемпионатда совринли ўринларни эгаллаган, "Аҳал" эса 2017 йилда Туркманистон Кубогини қўлга киритган.
Мутахассиснинг хорижда ишлаш тажрибаси ҳам бор – 2020 йилда Ўзбекистоннинг "Қизилқум", 2022 йилда Қирғиз Республикасининг "Каганат" жамоасига устозлик қилган.
Ровшан Мередов 2025 йил бошидан буён Туркманистон футбол федерацияси Техник бошқармаси бошлиғи лавозимида ишлаб келаётганди. Бунга параллел равишда 2020 йилдан бери "Арсенал" собиқ бош мураббийи Арсен Венгер бошчилигида Жаҳон футболини ривожлантириш департаментида ФИФА техник эксперти сифатида ишлаб келмоқда.
Мередов терма жамоани 2023 йилдан буён бошқариб келган Мерген Оразов ўрнини эгаллади.
10 июнь куни Туркманистон терма жамоаси 2027 йилги Осиё Кубоги саралаш турнири доирасида Таиланд терма жамоасини қабул қилади. Ўйин "Ашхобод" стадионида бўлиб ўтади.
Ўхшаш янгиликлар
championat.asia
Суперлига. "Насаф" Чераннинг пенальтидан урган голи эвазига "Навбаҳор"ни мағлуб этди
"Рома" Шомуродовни сотишга тайёр, унга даъвогар ҳам бор
Клублар ўртасидаги ЖЧ. "Бавария" "Окленд Сити"ни "кўмиб қўйди". Германия чемпионлари Янги Зеландия жамоасига жавобсиз 10 та гол урди
Суперлига. Термиздаги баҳсда "Нефтчи" "Сурхон"ни мағлуб эта олмади
Фикрлар