Тошкентда "Ўзбекистонда спорт ташкилотларини бошқариш ва дунё тажрибаси" конференцияси бўлиб ўтади

Конференцияда 2017 йилнинг 10 августида қабул қилинган Ўзбекистон Республикаси Президентининг 3196 рақамли "Нуфузли халқаро спорт мусобақаларида юксак натижаларга эришган Ўзбекистон спортчиларини жамоат ва спорт ишларига кенг жалб этиш ҳамда спортчиларни ва уларнинг тренерларини рағбатлантириш тўғрисида"ги қарори муҳокама қилинади. Конференцияда иштирок этиш учун Ўзбекистон ва Россиядаги турли спорт ташкилотлари спикерлари таклиф этилган.

Конференцияда спорт клублари, ташкилотлари раҳбарлари, спорт жамоатчилиги вакиллари ва оммавий ахборот воситалари иштирок этади.

Конференция спикерлари:

Мирзаҳаким Тўхтамирзаев - Ўзбекистон Республикаси жисмоний тарбия ва спорт давлат қўмитасининг матбуот-хизмати раҳбари.

Комил Зиядуллаев - Ўзбек давлат жисмоний тарбия институтининг "Спорт менежменти ва иқтисодиёти" кафедраси раҳбари.

Алишер Аминов - "Ҳуқуқий ташаббусларни қўллаб-қувватлаш халқаро фонди" вице-президенти.

Владимир Леонченко - Россиядаги "Росич" спорт клубининг бош ва ижрочи директори, FIFPro (футболчиларнинг жаҳон касаба уюшмаси) техник қўмитаси аъзоси, ижрочи директор, футболчилар ва мураббийларнинг профессионал иттифоқи кенгаши раиси.

Конференция соат 09:00да бошланади. Спорт журналистлари таклиф этилади.