Тошкент шаҳар футбол федерацияси "Спорт ТВ" билан меморандум имзолади
12 мар 2018 16:14
Янгиликлар

Тошкент шаҳар футбол федерацияси "Спорт ТВ" билан меморандум имзолади

Энди ҳафтанинг ҳар пайшанба куни, болалар футболи, хусусан Тошкент шаҳар чемпионатининг барча ёшдаги биринчиликлари акс эттириладиган "Келажак Юлдузлари" кўрсатуви эфир юзини кўради.

Соат 16:05да эфир юзини кўрадиган "Келажак Юлдузлари" кўрсатуви Республикамизда бўлиб ўтаётган болалар ва ўсмирлар ўртасидаги мусобақаларни ҳам ёритиб боради.

Хабарингиз бор, 11 март куни болалар футболи ўртасида Тошкент шаҳар чемпионати старт олди. Энди МТРК вакиллари уни ҳудди "Супер лига" ўйинларининг шарҳи каби ёритиб борадилар.

"Бунинг учун аввало МТРК раиси ва "Спорт ТВ" директори Зоҳид Каримовга раҳмат айтаман. Бугунги кунда "Супер лига" ўйинларини қиздириб юборишда катта сабаб бўлаётган канал билан энди биз болалар футболини ҳам оёққа турғизамиз", - дейди Тошкент шаҳар ФФ 1-Вице-президенти Нодирхўжа Юлдашев.

Ҳавола :

Манба : Тошкент шаҳар ФФ

Янгиликларни Телеграмда ўқинг!

Рейтинг: +26