UZ

Сўнгги янгиликлар

02:01Европа лигаси. "Милан" ва "Ливерпуль" мусобақани тарк этди, "Байер" ва "Рома" эса ярим финал иштирокчисига айланди  10 01:17Мартинес ўйин давомида икки марта сариқ карточка олди, аммо майдондан четлатилмади. Бу қоидаларга зид эмасми? Йўқ!   8 00:53Аршавин: "Ливерпул"га қарши тўртта гол урган ўйиним фаолиятимдаги энг яхшиси эмас"  2 00:36Машариповнинг жамоадоши мухлисини бағрига босгани учун жазоланди  4 23:54"Барселона" мухлислари ПСЖга учралган мағлубиятдан илгари ўз жамоаси автобусига ҳужум қилишди  3 23:37Эрон Про лигаси. Ўрунов 77 дақиқа ҳаракат қилган ўйинда "Персеполис" йирик ғалабага эришди  0 23:20Футзал бўйича Осиё кубоги. Тожикистон - Жанубий Корея 2:0   0 23:10Футзал бўйича Осиё кубоги. Япония - Қирғиз Республикаси 2:3   2 23:08АПЛда дебют қилган 19 ёшли футболчи майдонга тушганидан 3 дақиқа ўтгач, ҳушидан кетди   0 22:41U-23 Осиё кубоги. Қатар ҳакам томонидан қўшиб берилган 13-дақиқада Иордания дарвозасига ғалаба тўпини киритди  15 22:22Мессини немис грандлари ўз сафига қўшиб олмоқчи  9 21:54"Барселона"да Хавининг ўрнини ким эгаллаши деярли маълум  7 21:38Жасур Жалолиддинов: "Олимпиада йўлланмаси бериладиган мусобақада қандай ҳолатда бўлишимизга қарамай, натижа кўрсатишимиз керак"   4 21:17Клублар ўртасидаги жаҳон чемпионатида иштирок этадиган навбатдаги клублар маълум, улардан бири — "Зальцбург"  1 20:50Футбол олами. ОКМК ва "Насаф"да мағлубият: Ўзбекистон кубоги 1-тури ҳақида батафсил   0

Тош воқеаси нима бўлди? Янгиликлар

Тош воқеаси нима бўлди?

Шу йилнинг 7 май куни Андижон шаҳридаги "Бобур Арена"да "Андижон" ва "Машъал" клублари ўртасида Пролига 7-тур баҳси ўтказилди.

"Машъал"нинг сафарда 1:2 ҳисобда имкониятни бой бергани ўз йўлига. Лекин баҳснинг тахминан 65-66-дақиқаларида жуда хунук иш рўй берди. "Андижон" футболчиси Шаҳбоз Эркинов ҳисобни танглаштиргач, трибунада ўтирган андижонлик мухлислардан бири майдонга қарата тош улоқтирди. Улоқтирилган тош "Машъал" бош мураббийи Дилявер Ваниевнинг бошига тегиб, натижада мураббий бироз ҳушини йўқотди ва бу орада ўйинда тўхталиш юзага келди. 

Кейинчалик 90+3-дақиқада Владимир Бубанья гол уриб, "Андижон"га ғалаба келтирди ва шу билан ўйин 2:1 ҳисобида якун топди. Ўйин ва натижа ўз йўлига, бироқ ўша воқеадан сўнг орадан 2 ҳафта ўтса ҳамки, ПФЛ ёки ЎФА тош воқеаси бўйича ҳеч қанақа расмий изоҳ бермади.

Тасаввур қилинг-а, ўйин пайти трибунадан мураббий бошига тош учиб тегяпти ва ҳеч ким миқ этмаяпти. Агар Англияда шу ҳолат кузатилса борми? Аниқ мезбон клуб жазога тортилади ва нечтадир ўйинни томошабинларсиз ўтказади.

 


Бизда ҳам шундай бўлиши мумкин? Мумкин, агар шу воқеа Муборакдаги стадионда содир бўлганида борми, "Машъал"нинг ҳолига маймунлар йиғларди. ПФЛ ҳам, ЎФА ҳам "бечора" муборакликларни аяб ўтирмасди. 2017 йил ҳе йўқ, бе йўқ жамоани қуйи лигага тушириб юборган ташкилот бу сафар клубга кескин чора кўриб, стадионни 10та ўйинга дисквалификация олмайдими? Қилади, қилганда ҳам 24 соат ичида қарор чиқиб бўлган бўлади. 

"Пахтакор" - "Навбаҳор" ўйинида мухлис тўпни тепиб юборгани учун жазога тортилди. Лекин нима сабабдан мураббийга тош отилгани учун "Андижон" жазосиз қолди деган савол юзага келади. 

Бизгача етиб келган маълумотларга кўра, ўша куни Ваниевга отилган тош камерага тушмай қолибди, шу боис "Андижон"ни жазолашга факт йўқ экан. Қизиқ, камера ўйинни тасвирга олсинми ё стадионга келган мухлислар қўлини пойлаб турсинми? Ахир кап-катта одам ўзидан ўзи бошини чангаллаб ерга ўтириб олмаса керак. Қолаверса, "Машъал" телеграм канали ҳисоб тенглашганидан сўнг орадан бир дақиқа ўтиб дарҳол ёзди: "Стадиондан тош келиб Ваниев бошига тегди".


 


ВИДЕОНИ КЎРИШ


Кейин канал воқеага оид расм ва видео чиқарди. ПФЛ протоколига кўра, "Андижон" - "Машъал" учрашувини стадионда 3125 томошабин кузатган. Ундан кейин "Андижон" сафарда "Шўртан" билан ўйнади дейлик. Лекин кеча бўлиб ўтган "Андижон" - "Бухоро" учрашувига 9273 мухлис келгани ёзилди. Бундан кўриниб турибдики, стадион ва клубга нисбатан ҳеч қандай чора кўрилмаган. 

Ҳа, дўстлар, ўзбек футболи шунақа. Агар "танкангиз" бўлмаса ёки сиздан қандайдир манфаат бўлмаса, Сиз ва клубингиз ЎФА ва ПФЛ учун бир тийин. Сиз билан ҳеч кимнинг иши бўлмайди. Дод соласизми, вой дейсизми - Сизни ҳеч ким эшитмайди. Сиз фақат бадал (взнос) тўлаш учун кераксиз. Чунки сиздан пул ишлашади. Афсуски, бу аччиқ ҳақиқат!

Барса Блогер.

Рейтинг: +33   

Фикрлар

championat.asia
< сўнгги янгиликларни кўриш
Яндекс.Метрика