Тимур Кападзе: "АГМК тажриба эвазига бизни мағлуб этди"

Ўйин ҳақида

- Бугун ёмон ўйнамадик. Футболда яхши ўйнаб ҳам ютқазиш мумкин. Умуман ҳар икки жамоа ҳам яхши ўйнади. Бизда ҳам вазиятлар бўлди, фойдалана олмадик. АГМК тажриба эвазига ўз вазиятларини голга айлантирди ва бизни мағлуб этди. Йигитларга ҳам шу ҳақида айтдим.

- Кейинги турда чемпионлик учун курашаётган "Насаф" билан ўйнайсизлар. Шунақа ўйин олдидан мағлубият йигитларга таъсир кўрсатмайдими?

- Албатта, ҳар қандай мағлубият ўз таъсирини ўтказади. Бироқ биз жамоамиз билан бундай холатдан чиқиб кетамиз деб ўйлайман. Кейинги турда "Насаф" билан ўйнаймиз. Улар ўз олдиларидаги вазифани бажариш учун ҳаракат қилишади. Биз ҳам ўз вазифамизни бажариш учун ўйнаймиз ва ҳар бир ўйинда максимал натижа учун ҳаракат қиламиз. Ўз майдонимизда ўйнаймиз, бу ҳам бизга қўшимча устунлик беради.

- Сизнингча, ушбу мавсумда қайси жамоа чемпион бўлади?

- Энг ҳақли жамоа чемпион бўлади.

- Энг ҳақлиси ким деб ўйлайсиз?

- Билмадим, фикримча "Насаф" бошқалардан кўра ҳақлироқ эди. Уларнинг эгаллаб турган ўринлари ҳам буни кўрсатиб турибди.