"Тилла йигитлар" ва уларнинг келажаги

Демак, бугун ана ўша ёшлардан ўзига хос "келажак термаси"ни тузиб чиқамиз. Амалдаги Европа Чемпиони, ўтган йилги "Golden Boy" соврини эгаси Ренату Санчеш "Бавария"дан "Суонси"га ўтганини инобатга олсак, навбатдаги иқтидорлар тақдири нима бўларкин? Ва уларнинг нархи қанча бўлади ёки бугунги кунда қанча? Қизиқ, агарда молиявий "фэйр-плей" бўлмаганда, бу таркиб ПСЖ, "Манчестер Сити", "Барселона", "Реал" ёки "Манчестер Юнайтед"га қанчага тушган бўларди?

Дарвозабон
Жанлуиджи Доннарумма (“Милан” 18 ёшда)
Райола сал қолса, Доннарумма учун "Милан"дек буюк клуб сардорлик боғичини ундириб берарди. Тўғри Жанлуиджи иқтидорли посбон, аммо ҳали жуда ёш ва боғичга эгалик қилишга улгуради.

У Буффондек афсонага айлана оладими ёки йўқ, бу хатолар устида ишлай олиши ва албатта, клубнинг қандай қарор қабул қилишига боғлиқ.

Мабодо “Реал” ва ПСЖ бошқаларни танласа, у ҳолда Раёла мижози Жанлуиджини МЮга олиб ўтишини таъминлаши ҳеч гап эмас. Бунинг учун Де Хеа ҳам Мадридга қайтиб кетиши зарур.

Қаерга кетади? ПСЖ ёки "Реал"?
Тахминий нархи? 70 миллион евро.

Ҳимоячилар
Бенжамин Хенрикс (“Байер”, 20 ёш)
Бу йигит бор йўғи 20 ёшни қаршилаганига қарамай, ҳам ҳимоя марказида, ҳам ҳимоя қанотида, ҳам ярим ҳимояда ва керек бўлса ҳужумда ҳам ўйнай олади.

У энг иқтидорли немис футболчиларидан бири ҳисобланади. У “Олтин тўп” мукофоти учлигидан жой олмаса ҳам, совринларга эга бўлаверади. Унинг майдондаги ҳаракатларидан шундоқ ҳам иқтидорли футболчи эканлигини билиб олиш қийин эмас.

Қаерга кетади? “Бавария”дан ташқари, “Барcелона”, “Манчестер Юнайтед” ва бошқа жамоалар қизиқиш билдириши мумкин.
Тахминий нархи? Ҳимоячи — 40 млн, ярим ҳимоячи бўлса — 60 миллион евро.

Жо Гомес (“Ливерпуль”, 20 ёш)
Ўтган йил "Краснодар"га қарши "Зальцбург"да тўп сурган бўлса, ҳозирда “Лейпциг”да фаолият юритмоқда. Лекин Жо Гомес “универсал” футболчилардан қолишмайди. Чунки у ҳам ҳимояда турли хил позицияларда ўйнай олади. Бу ҳам етмагандек 20 ёшида Клопп жамоасининг асосий таркибига "кўз олайтиришга" улгурди. Агар келгусида бўйдор Жо ҳам ҳимоя маркази, ҳам ҳимоя қанотида тўп сурса, бир неча йил ичида Стоунздан ҳам ўзиб кетиши ҳеч гап эмас.
Қаерга кетади? АПЛнинг бошқа клублари “Челси”, “Манчестер Юнайтед”га тўғри келади
Тахминий нархи? 60 млн евро.

Матийс де Лигт (“Аякс”, 18 ёш)
Давинсон Санчесга бўлганидек 45 миллион эмас, “Тоттенхем” 50-60 миллион евро тайёрлайверсин. Ахир ўтган ёзда эндигина 17 ёшга кирган де Лигт Европа Лигаси финалида майдонга тушган энг ёш футболчи бўлди. У марказий ҳимоячи. Ҳа, голландиялик ҳар доим ҳам аниқ ўйнамаса-да, лекин уни энг иқтидорлилар сафидан четлаштира олмаймиз. Аммо у энди 18 ёшда! Анча қариб қолди!
Қаерга кетади? АПЛнинг исталган клуби ёки “Барcелона”
Тахминий нархи? 50 млн евро.

Тео Эрнандес (“Реал”, 19 ёш)
Балки, Тео Зиданнинг номаълум "ўғилларидан" биридир, бўлмаса “Реал”га шунчалик вақтли келармиди? Нима бўлганда ҳам, Марсело бор жамоада, ҳимоянинг чап қанотидан умид қилиш қийин. “Реал” уни ўз жамоасига таклиф қилса-ю, у буни қандай қилиб рад этади? “Атлетико” ҳам ҳимоячиси тортиб олинган бўлса-да, “Реал”ни 25 миллион евро эвазига "кечирди". Ҳеч қандай термада ўйнамаган ёш футболчи учун бу ёмон натижа эмас. Зидан эса уни янада юксалишига ёрдам беради.
Қаерга кетади? Ҳозир “Реал”да, француз бўлгани учун балки ПСЖ.
Тахминий нархи? 40 млн евро, лекин "Реал" уни бериб қўймайди.

Ярим ҳимоячилар
Амаду Диавара («Наполи», 20 ёш)
Яқин вақтлардан бери таянч ярим ҳимоячиларининг қадрига ета бошлашди. Шу сабабли ҳам Диавара керакли вақтда, керакли жойда, яъни А Сериясида пайдо бўлди.

Маурицио Сарри келажакда ёш Амадуни дунёнинг энг кучли таянч ҳимоячиларидан бирига айлантира олади. Ҳозирча эса у иқтидорли, ўсиб келаётган ёшлардан бири.

Абжир, жисмоний томонлама кучли, тез фикрловчи футболчи ўзига хос ўйин услубига эга. Шундай экан Гвинея терма жамоасидагилар билиб қолмасидан, италияликлар отни қамчилаб қолиши зарур.

Қаерга кетади? "Челси" ва "Ювентус"дан Мадриднинг "Реал"игача.
Тахминий нархи: 50 млн. евро.

Юри Тилеманс («Монако», 20 ёш) – жамоа сардори

Бекорга уни ушбу жамоанинг сардори деб атамаяпмиз. Тилеманс бу футболчилар ичида энг тажрибалиси.

"Монако"нинг янги футболчиси ва "Андерлехт" тарбияланувчиси ёш бўлишига қарамай, катта, профессинал футболда 4 мавсум ўтказишга улгурди.

Яъни катта футболга у 16 ёшида кириб келган. Юрини порлоқ келажак кутаётганига шубҳамиз йўқ. Гапларимизга ишонмаганлар, "Монако"нинг ўйинларини томоша қилиб кўрсинлар.

Французлар футболчилар учун 20 млн. евро тўлашди ва ҳозирги нарх-навода бемалол кейинги ёз 60 миллионларга сотиб юбора олади.

Қаерга кетади? Барчаси яхши кетса "Ювентус", ПСЖ ёки "Барселона"да кўришимиз ҳеч гап эмас.
Тахминий нархи: 60 млн. евро.

Федерико Кьеза («Фиорентина», 19 ёш)
Иқтидорли ярим ҳимоячилар етарли. "Порту" кутилмаганда "Вулверхэмптон"га ижарага бериб юборган - Невеш, "Реал Сосьедад" ярим ҳимоячиси - Микель Ойарзабаль. Бироқ биз Энрико Кьезанинг ўғли – Федерикони танлаймиз. Бу кетишда у отасини ҳам ортда қолдиради. Бор йўғи ўн тўққиз ёшга кирган футболчи рақибларни "чарчатишни" бошлаб юборган. Агар жароҳат панд бермаса – тезкор, ҳар бир ҳаракатдан аввал фикрловчи ва дарвозага зарба беришдан тортинмайдиган хавбек чиқади Кьезадан.
Қаерга кетади? "Фиорентина"дан нафақат "Ювентус"га, балки "Милан"га ҳам ўтиб кетиши мумкин.
Тахминий нархи: 100 млн. евродан сал камроқ – "Малага"дан "Реал"га ўтаётган даврдаги Исконинг нархи ҳам ҳозир тахминан шунча бўларди.

Ҳужумчилар
Кристиан Пулишич («Боруссия» Д, 19 ёш)
Дембеле боплади – нафақат ўзи, фарзанди, балки набираларига ҳам етадиган моддий бойликни таъминлаб қўйди "Барселона"га ўтган француз. Лекин америкалик хорват Пулишич ҳали анча кучаядиганга ўхшайди.

Кристианга назар ташлар экансиз, унинг универсаллигига қойил қолмай илож йўқ. У майдоннинг деярли исталган чизиғида ўйнаб кета оладиган туғма етакчи. "Боруссия" футболчиси ҳеч ҳам меҳнатдан қочмайди. Стабиллик одатда ёрқин стартдан кўпроқ қадрланади ва ёдда қолади.

Қаерга кетади? Агар "Бавария" бўлмаса, АПЛ клублари – балки болаликда мухлислик қилган МЮ гадир.
Тахминий нархи: 80 млн. евро.

Габриэль Жезус («Манчестер Сити», 20 лет)

Футболчи сифатида Жезус ҳамшаҳари Рэшфорддан ҳам қизиқроқдек. Роналдо ва Пеле исталган инглиз ҳужумчисидан қизиқроқ ўйин кўрсатганидек. Аммо Маркус Европа Лигасини ютиб улгурган. Бироқ Моуриньо инглизга тўлиқ ишонганида унга асосий таркиб ҳужум чизиғидан жой топиб берган бўларди. Ўз навбатида Хосеп шогирди Жезусга ишонади. Ҳар ҳолда ҳозирча.

Қаерга кетади? Ҳозирнинг ўзида "Манчестер Сити"да, балки "Барселона"га ўтар, мисол учунда.
Тахминий нархи: 80 млн. евро.

Килиан Мбаппе (ПСЖ, 18 ёш)

Келажакда Мбаппе билан бўладиган аниқ нарса – ПСЖда у пенальти тепмайди. Болалигидан Зиданнинг мухлиси бўлган Мбаппе "Монако"дагиданда яхшироқ ўйнай олишига шубҳа қилмаймиз. У она шаҳрига қайтди ва ёш Мбаппенинг қатъий қарорлари кишини ажаблантирмай қолдирмаяпти. Худдики у Анрининг кўп нарсани кўриб улгургандаги ҳолатидагидек.

Қаерга кетади? ПСЖдан кетса, фақат "Реал"га, сабаби севимли жамоаси ва кумири Зидан ўша ерда. Агар футболчининг бу борадаги гаплари ёлғон бўлмаса.
Тахминий нархи: 100 млн. евро дан қимматроқ.

Soccer.ru сайтидан Нозима Зарипова таржимаси