Тезкор хабар: "Ал Ҳилол" иштирокидаги баҳс бекор қилинди
23 сен 2020 23:13
Янгиликлар

Тезкор хабар: "Ал Ҳилол" иштирокидаги баҳс бекор қилинди

Бугун Осиё чемпионлар лигаси гуруҳ босқичи сўнгги туридан ўрин олган "Ал Ҳилол" - "Шабаб Ал Аҳли" беллашуви ўтказилиши лозим эди.

Ўйин бўлиш-бўлмаслиги сўнгги дақиқаларга қадар сўроқ остида турди. Лекин якунда учрашув бош ҳаками ўйинни бекор қилишни лозим топди.

Регламентга мувофиқ захирада камида икки нафар футболчи бўлсагина ўйинни ўтказиш мумкин бўлади. "Ал Ҳилол" бугунги баҳс учун 11 нафар асосий таркибни топди, бироқ захирада ҳеч ким қолмади.

Саудияликлар ҳатто икки футболчини захирага олиб баҳсни 9 футболчи билан бошлашни маъқул кўришди. Лекин учрашув ҳаками бунга рухсат бермади ва натижада учрашув бекор қилинди.

Энди бу борада ОФК қарорини кутамиз.

Ҳавола :

Манба : championat.asia

Янгиликларни Телеграмда ўқинг!

Рейтинг: +12