UZ

Сўнгги янгиликлар

09:3410 ойга четлатилган Тонали яна узоқ муддатга дисквалификация қилиниши мумкин  0 09:10«РБ Лейпциг» грандлар қизиқаётган футболчига нарх қўйди  0 08:47Златан рамзий термасини тузди ва ўзини қўшмади. Нега қўшмаганини эса Ибра супер тарзда тушунтириб берди  2 08:25Фабрицио Романо Хаби Алонсонинг келажагини очиқлади  3 07:49Про лига. Бугун учинчи тур якунланади  1 07:25Суперлига. Бугун Олмалиқ ва Қаршида ўйинлар бор  1 01:46"Фулхэм" стадион трибунасида очиқ бассейн қурмоқчи  0 01:29Абдуқодир Ҳусанов "Лилль" билан ўйинни ўтказиб юборади  1 00:52Италиялик жаҳон чемпиони Қозоғистонга ташриф буюрди  4 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  15 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  16 23:37БАА футбол федерацияси ёшини сохталаштирган 18 нафар мисрлик футболчини депортация қилди  2 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  1 22:40Мексикадаги матбуот анжуманида бутун жамоа иштирок этиб, мухлислардан узр сўради  1 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0

Темурхўжа Абдухолиқов: "Футболчилар Фёдоров учун ўйнашди, биз мураббий истеъфога чиқарилишини истамаймиз" Янгиликлар

Темурхўжа Абдухолиқов: "Футболчилар Фёдоров учун ўйнашди, биз мураббий истеъфога чиқарилишини истамаймиз"

Суперлига 10-тур доирасидаги "Насаф" - "Локомотив" (0:1) учрашувидан кейин ўйиннинг энг яхши футболчиси бўлган Темурхўжа Абдухолиқов баҳс ҳақидаги фикрларини билдирди.

- Қаршида ҳеч қачон осон бўлмайди. "Насаф" билан қийин ўйинни ўтказдик. Лекин биз доимо ғалабани кўзлаб келамиз. Муҳими, кўзлаган мақсадимизга эришдик. Хурсандмиз. Бизга мухлислик қилган ишқибозларга раҳмат. Терма жамоа? Очиғи, бу мавзудаги саволлардан чарчаганман. Савол манзили бошқа жой.

Худо хоҳласа чемпионат якунида тўпурарлар рўйхатида бошчилик қилишга ҳаракат қиламан. Муҳими бу эмас, балки жамоам ғалабаси.

Ўйиндан аввалги истеъфо, Бабаяннинг келиши ҳақидаги гап-сўзлар? Исталган футболчи мураббийни мавсум давомида олиб ташлашса, унда ҳижолат ҳис туйғусини сезади. Чунки бизни деб мураббийлар ишдан кетиши мумкин. Натижа учун ҳеч қачон футболчиларни истеъфога чиқаришмайди. Шу боисдан ҳам барчамиз Андрей Фёдоров учун ҳаракат қилди. Бугун мураббийимиз учун ўйнадик. Бабаян келадими ёки йўқ, билмадим. Тўғриси, буни билмайман. Лекин "Локомотив"да ҳеч ким Андрей Фёдоров кетишини истамайди. Ҳеч бир футболчи мавсум давомида ўз мураббийини ишсиз қолдиришни истамайди. Айб фақат мураббийда бўлмайди, хатони барча қилади. Лекин таёқ мураббийнинг бошига синади. Мураббийлик иши шундай. Лекин биз жамоамиз ва мураббийимиз учун ўйнашга ҳаракат қиламиз.

ОЧЛ гуруҳ босқичидаги муваффақиятсизлик? Ҳаммасини ўзимизга-ўзимиз қилдик. Ютиб турган ўйинларимизда мағлубиятга учрадик. Консентрацияни йўқотдикми, ёки омадимиз келмадими, билмадим. Лекин ўйин тарафлама ҳеч бир рақиб бизни очиқчасига ютгани йўқ. Мазкур иштирокимизни чуқур таҳлил қилиб чиқиш лозим. Мавсум бошида жамоани бир қатор етакчи, асосий таркиб футболчилари тарк этгани ҳам таъсир қилди. Янги футболчиларга кўникиш учун эса маълум вақт талаб этилади. Шунга қарамасдан ҳаракат қилдик. Балки кучли легионерлар керакдир. Араб жамоаларида ҳамма нарсани кучли легионерлар ҳал қилади. Бизда эса барча бир хил савияда. 

Рейтинг: +23   

Фикрлар

championat.asia
< сўнгги янгиликларни кўриш
Яндекс.Метрика