Тартиб-интизом Қўмитаси қарорлари
06 авг 2015 00:41
Янгиликлар
Олий лига
Олий лиганинг 16-турида "Пахтакор"га қарши ўйинда "Олмалиқ" дарвозабони Валерий Фомичев рақибига зарба бергани учун икки ўйинга дисквалификация қилинди ва жаримага тортилди.
"Навбаҳор" бош мураббийи Бахтиёр Ашурматов "Машъал" билан бўлиб ўтган ўйинда ёрдамчи ҳакамни туртгани ва ҳакам шаънига номаъқул фикрлар билдиргани учун жаримага тортилди ва огоҳлантирилди. Агарда бу ҳолат яна такрорланса, унда Ашурматовга нисбатан тегишли чоралар қўлланилиши таъкидланди.
«Локомотив» клуби маъмури Бахтиёр Исмоилов "Металлург"га қарши ўйинда ҳакам манзили томон номаъқул фикрлар билдиргани учун жаримага тортилди. Агарда бу ҳолат яна такрорланса жиддийроқ чора кўрилиши айтиб ўтилди.
Ўзбекистон Кубоги
«Цементчи» футболчиси Азизхон Ибрагимов Ўзбекистон кубогининг ¼ финал босқичи доирасида «Пахтакор»га қарши ўйинда рақиб футболчиси томон айтган ортиқча гаплари учун 3 ўйинга дисквалификация қилинди.
«Пахтакор» ҳимоячиси Мурод Холмуҳамедов «Цементчи» билан бўлиб ўтган ўйинда рақиби томон қилган ортиқча ҳаракати учун 3 ўйинга дисквалификация қилинди.
Ёшлар лигаси
"Қўқон-1912" футболчиси Аъзамжон Сомиджонов Ёшлар лигасининг 2-туридан ўрин олган "Пахтакор"га қарши қолдирилган беллашувда рақибига нисбатан қўпол ҳаракати учун 2 учрашувга дисквалификация қилинди.
Биринчи лига
«Локомотив-БФК» футболчиси Суннатулла Саидов 3 учрашувга дисквалификация қилинди.
«Цементчи» аъзоси Баҳодиржон Йигиталиев 3 ўйинга дисквалификация қилинди.
«Чуст-Пахтакор» мураббийи Леонид Сенкевич ёрдамчи ҳакам манзили томон номаъқул сўзлари учун жаримага тортилди.
«Пахтакор-2» ҳимоячиси Диан Талхатов 3 ўйинга дисквалификация қилинди.
«Пахтакор-2» директори Шуҳрат Раҳмонкулов "Оқ-тепа" билан бўлиб ўтган ўйинда ҳакам томонига ишлатган номаъқул сўзлари учун четлатилганди. Тартиб интизом қўмитаси Шуҳрат Раҳмонқуловни жаримага тортди ва огоҳлантирди. Агарда бу ҳолат яна такрорланса, унда жиддийроқ чоралар кўрилиши таъкидланди.
«Пахтакор-2» мураббийи Жасур Абдураимов, 2 ўйинга дисквалификация қилинди ва жаримага тортилди.
Ўхшаш янгиликлар
championat.asia
Англия кубоги. "Манчестер Сити" финалда "Кристал Пэлас"га мағлуб бўлиб, жорий мавсумда соврин ютиш имкониятини қўлдан чиқарди
Суперлига. "Шўртан" мавсумдаги илк ғалабасини бир киши кам бўлиб қолган "Андижон" устидан қўлга киритди
Ла Лига. "Реал Мадрид" сўнгги дақиқада гол уриб, "Мальорка"ни мағлубиятга учратди. "Барселона" чемпионликни ўзи ҳал қилишига тўғри келади
"Барселона" - Испаниянинг 28 карра чемпиони!
Фикрлар