Талгат Байсуфинов: "Саломов ҳақида ижобий фикрдаман"

Йиғин доирасида бир нечта назорат учрашувлари ўтказилди. Жамоа бош мураббийи Талгат Байсуфинов Vesti.kz мухбирининг саволларига жавоб берар экан, ўзбекистонлик футболчиларнинг ўйинига ҳам эътибор қаратди. Таъкидлаш жоиз, Иртиш таркибида ҳамюртларимиздан Улуғбек Бақоев, Камолиддин Мурзоев ва Шавкат Саломов тўп тепишади.

- Йиғин учун режалаштирганларимизнинг барини амалга оширдик. Биргина Камолиддин Мурзоевнинг оёқ пайларини чўзиб олганини инобатга олмаганда, жиддий жароҳатлар бўлмади. Шу сабаб билан у икки кунлик машғулотларни ўтказиб юборди. Учинчи куни эса сафга қайтди. Дарвоқе, Мурзоев билан келишувни яна бир йилга узайтирдик.

- Жамоанинг янги футболчилари, хусусан, Шавкат Саломов қандай таассурот қолдирди?
- Шавкат ҳақида ижобий фикр билдира оламан. Жамоа ўйинига тезда киришиб кетди. Қозоғистон чемпионатида ўйнагани ҳам унга қўл келмоқда. Нима талаб қилинаётганини жуда яхши билади. Энг муҳими, футболчилар билан ҳам яқиндан таниш.