UZ

Сўнгги янгиликлар

23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  0 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  9 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  0 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  24 20:32Дунёнинг етакчи лигалари ФИФАни судга бермоқчи  4 20:15"Локомотив" "SWM Motors" билан ҳамкорлик шартномаси имзолади  0 20:00Руслан Аҳмедов: "Биз натижа учун ўйнаяпмиз. Чиройли ўйин иккинчи даражали"  1 19:50Улуғбек Бақоев: "Футболда шунақаси ҳам бўлиб туради"  14 19:33Кварацхелия "Наполи"дан кетмоқчи эмас  2 19:11"Арсенал" Йозуа Киммихга қизиқмоқда  7

"Сурхон" катта мураббийи Рустам Арипов: "Бош мураббий масаласини раҳбарият кўриб чиқмоқда" Янгиликлар

"Сурхон" катта мураббийи Рустам Арипов: "Бош мураббий масаласини раҳбарият кўриб чиқмоқда"

Суперлиганинг 13-туридан ўрин олган "Машъал" - "Сурхон" (2:1) учрашувидан сўнг термизликлар катта мураббийи Рустам Арипов фикрларини билдириб ўтди.

"Ўйин ҳақида нима дейишим мумкин? Ўзинглар кўрдинглар бугун иккита тенг жамоа тўқнаш келди. Биз учун ҳам, рақиб учун ҳам баҳс муҳим эди. Турнир жадвалидан ҳам олиб қаралганда уч очко керак эди. Йигитларга раҳмат айтаман. Ўзимизнинг хатоларимиз эвазига голлар ўтказиб юбордик. Хатолар устида ишлаб кейинги баҳсларда мухлислар кутган ўйинни кўрсатишга ҳаракат қиламиз",- дейди Рустам Арипов.

- Учрашувни бошқариб борган ҳакамларга эътирозингиз борми?

- Ҳакамларга эътирозим йўқ. Уларнинг ишини кўриб чиқадиган қўмита бор. Ўйлашимча ҳаммаси яхши бўлади.

- "Сурхон" ўтган йилгига қараганда ишончлироқ ўйнаяптими? Бу борада нима дея оласиз?
- Натижадан келиб чиқиб айтадиган бўлсак, ўйинимиз ишончсизроқ кўринмоқда. Бу йил янги жамоа йиғилди. Ҳамма мураббийга ҳам, футболчиларга ҳам келишиб кетиши учун вақт керак. Иккинчи даврада яхши иштирок этишга уринамиз.

- "Сурхон" жисмоний томондан яхши эканлиги сезилди. Ҳисобда ортда бораётиб тенглаштирди. Аммо ҳимоядаги муаммолар сабаб бугун жамоа ютқазди, десак бўладими?
- Ҳисобда орқада бўлишимизга қарамасдан тенглаштириб олдик. Шундан сўнг йигитлар ҳиссиётларга берилиб олдинга ғалаба учун чиқишди. Натижада рақибнинг қарши ҳужумини ўтказиб юбордик. Жамоамизни жисмоний томондан яхши тайёрлашга ҳаракат қилдик.

- Рақиб жамоа таркибидаги қайси футболчини ажратиб кўрсата оласиз?
- Мен ўзимнинг футболчиларим ҳақида гапирганим маъқулроқ.

- Иккинчи давра учун режалар қандай? Трансферлар ойнаси ёпилгунига қадар клуб кимларни олиб келишни режалаштирган эди-ю, кимларни олиб кела олмади?
- Айрим сабабларга кўра бир нечта футболчиларни рўйхатдан ўтказа олганимиз йўқ. Трансферлар ойнаси ёпилгунига қадар яна керакли футболчиларни оламиз, деган умиддаман. Мухлислар буни матбуот орқали эшитишади. Келаётган футболчилардан умидимиз катта. Мақсадимиз йўлида курашамиз, жанговар жамоа тузишимизга ишонаман.

- Жамоада бош мураббий штати жорий этиладими?
- Бош мураббий масаласини раҳбарият кўриб чиқмоқда.


Рейтинг: +2   

Фикрлар

championat.asia
< сўнгги янгиликларни кўриш
Яндекс.Метрика