"Сурхон" футбол клуби Сурхондарё вилоятининг янги ҳокимини муборакбод этади

2019 йил 1 май куни Халқ депутатлари Сурхондарё вилояти кенгашининг навбатдан ташқари сессияси бўлиб ўтди.

Сессияда ташкилий масала кўрилди.

Ўзбекистон Республикаси Президенти Шавкат Мирзиёев Сурхондарё вилояти ҳокимининг иқтисодиёт ва тадбиркорлик масалалари бўйича биринчи ўринбосари (кейинги бир ой давомида Сурхондарё вилояти ҳокими вазифасини бажарувчи - таҳр.) вазифасида ишлаб келаётган Тўра Боболов номзодини вилоят ҳокими лавозимига тавсия қилди.

Халқ депутатлари қўллаб-қувватловига кўра Тўра Боболов вилояти ҳокими этиб тасдиқланди.

"Тўра Боболов Сурхондарёнинг иқтисодий-ижтимоий шароитини яхши билиши, вилоят халқи, туман ҳокимлари ва секторлар раҳбарлари ҳамжиҳат бўлиб, белгиланган вазифаларни тўла бажаришига ишонч билдирилди", дейилади ЎзА хабарида.

"Сурхон" футбол клуби маъмурияти Сурхондарё вилояти ҳокими, Сурхондарё футбол ассосияцияси президенти ҳамда "Сурхон" футбол клуби президенти Тўра Абдиевични Сурхондарё вилояти ҳокими этиб тасдиқлангани билан муборакбод этади.

Боболов Тўра Абдиевич биз ўйлаймизки вилоятнинг иқтисодий ва маънавий тараққий этишига, шу жумладан, спорт ва футболни ривожлантириш йўлида ўз хизматларини аямайдилар.

"Сурхон" ПФК маъмурияти