UZ

Сўнгги янгиликлар

17:07"Барселона" ҳимоячиси жароҳатидан қутулди ва "Боруссия"га қарши ўйинга тайёр  0 16:45Сурия терма жамоаси аъзоси бу мавсумда Ўзбекистон Биринчи лигасида тўп тепади  2 16:44Микель Мерино "Реал"га қарши баҳсдан аввал: "Биз "Арсенал" тарихига кирмоқчимиз"  2 16:23Ўзбекистон кубоги. "Локомотив" — "Наманган ФА" 2:0 (онлайн натижа)  1 16:20Гвардиола "Манчестер Сити"нинг қиммат футболчисида ярим ҳимояда ўйнаш учун зарур бўлган муҳим фазилатни кўрмаётганини айтди  3 16:00"Ливерпуль" футболчиси фаолиятини Германияда давом эттириши мумкин  1 15:23МЮ 29,3 млн еврога "янги Питер Крауч"ни сотиб олмоқчи  4 14:51"Ювентус" "Милан" ҳимоячисини сотиб олади  0 14:23"Манчестер Юнайтед" Каземирони қанчага сотмоқчи?  1 13:55"Ливерпуль" Салоҳнинг ўрнига Исак ва "Реал" вингерини олиб келмоқчи  1 13:31Нотўғри четлатиш ва қоидабузарликдан кейин урилган гол. Суперлиганинг 4-турида ҳакамлар нечта хатога йўл қўйди?  1 12:59"Манчестер Сити" "Ноттингем" ярим ҳимоячисига қизиқиш билдирмоқда  0 12:27"Бавария" "Борнмут" ҳимоячиси бўйича таклиф тайёрламоқда  0 12:04Ўзбекистон Суперкубоги ўйинига "Бунёдкор" стадиони мезбонлик қилади  4 11:41Анчелоттининг "Реал"даги тақдири "Арсенал"га боғлиқ  27

Суперлиганинг 4 та ўйинидан бадарға қилинган ҳакам Шерзод Қосимов Про-Лигада ишлай бошлади Янгиликлар

Суперлиганинг 4 та ўйинидан бадарға қилинган ҳакам Шерзод Қосимов Про-Лигада ишлай бошлади

Coca-Cola Суперлига 11-тури доирасида кечган «Сўғдиёна» — «Бунёдкор» учрашувини (3:3) бошқариб борган ҳакам Шерзод Қосимов тўртта ўйинга дисквалификация қилингани маълум бўлди.

«Дарё»нинг ЎФАдаги манбасига кўра, Профессионал футбол Лигаси (ПФЛ) «Сўғдиёна» — «Бунёдкор» учрашувидаги (3:3) ўйин натижасига таъсир қилган баҳсли қарорлар сабаб Ўзбекистон футбол ассоциациясидан (ЎФА) учрашувдаги ҳакамликни ўрганиб чиқишни сўраган.

Шундан кейин ЎФА Ҳакамлар ва назоратчилар бошқармаси Қосимовни Суперлиганинг тўртта учрашувидан четлатиш қарорини қабул қилган ва ўйин учун оладиган гонорарининг 75 фоизини ушлаб қолган. Бироқ ташкилот ҳали ҳам Қосимовнинг Суперлига баҳсларидан четлаштирилгани ҳақида ҳеч қандай маълумот бермаган.

Қайд этиш жоиз, ЎФА 13-тур доирасида ўтган «Бухоро» — ОКМК (2:2) ва «Навбаҳор» — «Қўқон-1912» (0:1) ўйинларидан кейин, ушбу баҳсларда фаолият юритган Вадим Агишев ҳамда Виктор Серазетдиновни Суперлига ўйинларидан четлатганди. Улар мазкур баҳсларни бошқаришда жиддий хатоларга йўл қўйгани айтилганди.

Эслатиб ўтамиз, Қосимов иккинчи бўлимда «Бунёдкор» фойдасига пенальти белгиламаган — ҳимоячи ўз жарима майдони ичида рақиб футболчисининг либосидан тортиб йиқитган. Бироз ўтиб баҳсли ҳолатда «Сўғдиёна» фойдасига 11 метрлик жарима зарбаси белгилаган — ҳакам тўп «Бунёдкор» футболчисининг қўлига тегганини маълум қилган.


Таъкидлаш ўринли, 7 сентябрь, душанба куни Шерзод Қосимов Про-Лига 5-туридан ўрин олган «Оқтепа» — «Динамо» учрашувини бошқариб борди. Ўйин томонларнинг 1:1 ҳисобидаги дуранг натижаси билан якунига етди. Беллашувда баҳсли ҳолатлар ҳам кузатилди.

Жумладан, 30-дақиқада «Оқтепа» футболчиси Владислав Фомин пенальтидан гол уриб, жамоасини ҳисобда олдинга олиб чиққанди. Аммо ўша вазиятда Қосимов олдин жарима зарбаси белгилади. Бироқ кўп ўтмай қарорини ўзгартирган ҳолда «Динамо» дарвозаси томон пенальти тепилишига кўрсатма берди. Шунингдек, 58-дақиқада самарқандликлар аъзоси Шаҳзод Ҳамидовни рақибига нисбатан кескин ўйнади деб топган ҳолда майдондан четлаштирди.

Маълумот учун, Шерзод Қосимов ФИФА тоифасидаги ҳакам ҳисобланади. У 2014 йилдан бери халқаро майдонда ҳам ўйинларни бошқариб келади.

Рейтинг: -32   

Фикрлар

championat.asia
< сўнгги янгиликларни кўриш
Яндекс.Метрика