Суперлигада кейинги йил нечта жамоа бўлади?

Кеча ЎФА биносининг мажлислар залида Суперлига клублари ҳамда Про лигадан Суперлигага чиқишни мақсад қилган жамоалар раҳбарлари иштирокида мажлис ўтказилди. Йиғилиш ёпиқ бўлгани учун (нима сабабданлиги қоронғи) ОАВ вакиллари киритилмади.

Шунга қарамай, ўзимиз учун керакли баъзи янгиликларни олишга муваффақ бўлдик. Бизга маълум бўлишича, келаси йил Суперлигада яна 12та жамоа қатнашади. Фақат мусобақани ўтказиш формати ўзгариши кутилмоқда. Шунингдек, катта эҳтимол билан "олтин очколар" қоидаси бекор қилинади.

Йиғилишда реклама ва маркетингга оид масалалар ҳам кўтарилган. Энг асосий вазифа бу Суперлига ўйинларига имкон қадар кўпроқ мухлисларни жалб қилиш. Умуман олганда, ҳозирги шароитда 12талик формат энг маъқули. Кўпчилик 14та қилиш керак деяётгани билан агар Суперлигада жамоалар сони ошгудек бўлса, унда Про лигада рақобат йўқолиб қолади.

Х.Холиқов.