Суперлига. Тўраев ва Бердиев кетма-кет иккинчи бор энг яхши ёхуд 10-тур лауреатлари

Championat.asia тур баҳслари асосида тур лауреатларини аниқлади.

"Нефтчи" бу тур Яйпанда "Металлург"ни қабул қилди ва 3:0 ҳисобида ғалабани тантана қилди. Фарғоналиклар посбони шу куни яхши ўйнади ва рақибларнинг бир қатор зарбаларини қайтаришга эришди. Шу боис "Нефтчи" посбони Акбар Тўраев championat.asia сайти талқинига кўра, (кетма-кет иккинчи тур) 10-турнинг энг яхши дарвозабони деб топилди.

"Насаф" бу тур Тошкентда "Бунёдкор" меҳмони бўлди ва 4:1 ҳисобида йирик ғалабани тантана қилди. Рўзиқул Бердиев жамоаси шу куни мезбонларга ҳеч қандай имконият қолдиришмади ва голлар шоусини ташкил этиб беришди. Championat.asia сайти талқинига кўра, (кетма-кет иккинчи бор) 10-турнинг энг яхши мураббийи Рўзиқул Бердиев бўлди.

Бу турда "Насаф" ярим ҳимоячиси Шароф Муҳитдинов "Бунёдкор" билан баҳсда жаримадан чиройли гол урди ва тур голи муаллифига айланди. 

"Насаф" ярим ҳимоячиси Ойбек Бозоров "Бунёдкор"га қарши баҳсда шунчаки ажойиб ўйнади ва иккита гол урди. Шу тариқа, Ойбек Бозоров championat.asia талқинига кўра 10-турнинг энг яхши футболчиси деб топилди. 

Видео. "Футбол олами". "Пахтакор"дан 2:0, "Нефтчи"дан 3:0, "Насаф"дан 4:1 ва бошқа ўйинлар ҳақида