Арихиро Сентокунинг ягона голи ОКМКга муҳим ғалабани тақдим этди
29 мар 2024 20:54
Янгиликлар

Арихиро Сентокунинг ягона голи ОКМКга муҳим ғалабани тақдим этди

Суперлиганинг тўртинчи туридан ўрин олган ОКМК - «Бунёдкор» учрашуви якунланди.

Жамоаларнинг бошланғич таркиби билан танишинг.

ОКМК – "Бунёдкор" 1:0
29 март. ОКМК спорт мажмуаси. 19:00
Гол: 83 - Арихиро Сентоку (Хуршид Ғиёсов)
Бош ҳакам: Акобирхўжа Шукуруллаев
Қанот ҳакамлари: Ислом Азимов, Шерзод Аъзамов
Захира ҳаками: Сардор Миродилов
VAR: Аҳрол Рисқуллаев
AVAR: Ришат Нугманов
Назоратчи: Олег Дачев
Комиссар: Қудрат Мадраимов
ОКМК: 35. Жавоҳир Илёсов, 2. Акрамжон Комилов, 3. Сардор Раҳмонов, 4. Миржамол Қосимов (5. Гиорги Папава, 75), 6. Авазбек Ўлмасалиев (18. Азиз Холмуродов,46), 7. Дилшодбек Аҳмадалиев, 10. Хуршид Ғиёсов, 15. Ойбек Рустамов, 20. Ислом Тўхтахўжаев (с), 28. Арихиро Сентоку, 95. Милян Шкрбич ( 77. Нодирбек Абдураззоқов,46).
Захира: 1. Валижон Раҳимов, 8. Бахтиёржон Қосимов, 11. Муроджон Тошматов, 23. Искандар Бўсинов, 88. Мурат Ерматов 99. Иракли Рухадзе.
"Бунёдкор: 71. Сарвар Каримов, 3. Махмуджон Маҳамаджонов, 7. Суҳроб Иззатов, 8. Фране Чиряк, 9. Умидбек Султонов ( 45. Фарҳод Ўткуров,46 (17. Оллаберган Каримов, 71), 10. Расул Йўлдошев (6. Самир Зелкович, 78), 14. Миржаҳон Мираҳмадов, 19. Билол Туплиев (92. Тони Йович, 71), 57. Амир Тўрақулов (11. Темурхўжа Абдухолиқов,84), 66. Азизбек Тўлқунбеков, 77. Музаффар Олимжонов.
Захира: 1. Марин Любич, 4. Нажмиддин Нормуродов, 5. Момчило Рашо, 78. Тохирбек Тўхтасинов, .
Огоҳлантириш: 8 - Фране Чиряк, 66 - Анвар Ғофуров, 67 - Билол Туплиев, 89 - Акрам Комилов
Четлатиш: 38 - Фране Чиряк

ЯНГИЛАШ

Учрашув якунланди

90+1. Арихиро Сентокунинг зарбасига аниқлик етишмади

Ҳакам иккинчи бўлимга 4 дақиқа қўшиб берди

89. Огоҳлантириш: Акрам Комилов огоҳлантирилди

84. Ўзгариш: Амир Тўрақуловнинг ўрнига Темурхўжа Абдухолиқов тушди

83. ГОООЛ. Арихиро Сентоку ҳисобни очди. 15 метрлардан йўллаган аниқ ва кучли зарбасини бу сафар дарвозабон қайтара олмади

82. Яна Нодирбек яхши ҳаракат қилди. У бир нечта рақибдан ўтди ва зарба йўллади. Бироқ бугун Каримовжуда зўр ўйнамоқда

80. Ғиёсовнинг зарбасини Каримов қайтарди

78. Ўзгариш: Самир Зелкович Расул Йўлдошевни ўзгартирди

75. Ўзгариш: Қосимовнинг ўрнига Папава тушди

74. Нодирбек Абдураззоқовнинг зарбаси ноаниқ кетди

71. Ўзгариш: Тони Йович ва Оллаберган Каримов майдонга тушди, улар Билол Туплиев ва Фарҳод Ўткировни алиштирди

69. ОКМК бурчак зарбасидан сўнг яхши имкониятга эга бўлди, бироқ Каримов яна ажойиб ҳаракат қилди

67. Огоҳлантириш: Билол Туплиев огоҳлантирилди

66. Огоҳлантириш: Анвар Ғофуров ҳакам билан баҳслашди ва огоҳлантирилди

65. Нодир Абдураззоқовнинг узоқдан йўллаган зарбасига аниқлик етишмади

62. Миржамол Қосимовнинг жаримадан йўллаган зарбаси ноаниқ кетди

56. Холмуродовнинг боши билан йўллаган зарбасини дарвозабон ушлаб олди

54. Ғиёсовнинг зарбасига аниқлик етишмади

52. Нодир Абдураззоқовнинг чалқанча зарбасига аниқлик етишмади

49. Амир Тўрақуловнинг зарбаси бироз ноаниқ кетди

46. Ўзгариш: Авазбек Ўлмасалиев ва Милян Шкрбич майдонни тарк этди, уларнинг ўрнига Азиз Холмуродов ва Нодирбек Абдураззоқов майдонга тушди.

46. Ўзгариш: Фарход Ўткуров майдонга тушди, у Умид Султоновни алиштирди

Иккинчи бўлим бошланди

Биринчи бўлим якунланди

45+1. Музаффар Олимжоновнинг зарбаси ноаниқ кетди

Ҳакам биринчи бўлимга 1 дақиқа қўшиб берди

38. Четлатиш: Фране Чиряк иккинчи сариқ карточкасини олди ва майдондан четлатилди.

30. Аҳмадалиевнинг қанотдан узатган тўпини Сарвар Каримов ушлаб олди. Ҳозирча меҳмонлар дарвозабони ажойиб ҳаракат қилмоқда

27. ОКМК бир нечта ажойиб ҳужумларидан сўнг учрашувда сокинлик бошланди

20. Милян Шкрбичнинг аниқ зарбасини Сарвар Каримов қайтармоқда. «Бунёдкор» посбони ажойиб ҳаракат қилмоқда. Ушбу дақиқада Қосимов ҳам зарба йўллади. Бу сафар ҳам Сарвар ажойиб ҳаракак қилди

18. Комиловнинг узатмасидан сўнг Аҳмадалиев боши билан зарба йўллади. Бу сафар ҳам Каримов тўпни ушлаб олди

17. Ғиёсовнинг аниқ ва кучли зарбасини Каримов қийинчилик билан қайтармоқда

15. Султоновнинг ўнг қанотдан жарима майдони ичига етказиб берган тўпига ҳеч ким улгурмади

11. Олмалиқликда навбатдаги ҳужум. Милян Шкрбичнинг зарбаси ҳимоячига тегиб, бурчакка чиқиб кетди. Бурчакдан узатилган тўпни эса Раҳмонов боши билан зарба йўллади. Дарвозабон ўз ўрнида

10. Фране Чирякнинг аниқ зарбасини дарвозабон ушлаб олди

8. Огоҳлантириш: Фране Чиряк рақибига тирсаги билан зарба йўллади ва огоҳлантирилди

4. ОКМК ажойиб ҳужум ташкил қилди. Мезбонлар бир ҳужумнинг ўзида учта зарба йўллашди ва барча зарбалар ҳимоячиларга тегиб, қайтмоқда