UZ

Сўнгги янгиликлар

01:46"Фулхэм" стадион трибунасида очиқ бассейн қурмоқчи  0 01:29Абдуқодир Ҳусанов "Лилль" билан ўйинни ўтказиб юборади  0 00:52Италиялик жаҳон чемпиони Қозоғистонга ташриф буюрди  0 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  5 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  4 23:37БАА футбол федерацияси ёшини сохталаштирган 18 нафар мисрлик футболчини депортация қилди  1 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  0 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  29 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  2 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  24

Суперлига-2021. Хорижлик мураббийлар рақобати қандай кечди? Янгиликлар

Суперлига-2021. Хорижлик мураббийлар рақобати қандай кечди?

Ушбу мавсумда одатдагидек Суперлига клубларининг айримларида хорижлик мураббийлар фаолият олиб боришди

 Хўш, уларнинг ўзаро рақобатида ким ютиб чиқди? Қайси мутахассис ўзини кўрсата олди? Батафсил қуйида фикралашамиз. 


Питер Хюистра ("Пахтакор") - Нидерландиялик мутахассис "Пахтакор"даги илк бош мураббийлик мавсумида дастлаб Суперкубокда, сўнг чемпионлик учун курашда ғолиб чиқди. Олдинда эса мавсумни требл билан якунлаш имконияти мавжуд. Бунинг учун унинг шогирдлари Ўзбекистон кубогида "Насаф"ни ютишларига тўғри келади. Тўғри бунга қадар у Шота Арвеладзенинг штабида икки бор чемпионатнинг олтин медалларини қўлга киритган. Лекин мустақил бош мураббий сифатида эмаслигини алоҳида таъкидлаш жоиз. Унинг мураббийлигида жамоа ўз услубини йўқотмади. Ҳужумкор ва прессингга асосланган услуб остида жамоа керакли натижаларни қайд этди. 


Микаэль Секейра ("Локомотив") - Бу йил Ўзбекистон чемпионатлари тарихида илк бор португалиялик мураббий Микаэль Секейра фаолият олиб борди. Мавсум бошида "Локомотив"ни қабул қилиб олган мутахассис ўзининг европача қарашларини олиб киришга ҳаракат қилди. Бу қайсидир маънода жамоа ўйинида ҳам сезилди. Қисман бўлсада, ўз имзосини кўрсата олди. Якуний натижа Суперлигада 7 ўрин. Португалияликнинг кўпчиликнинг ёдида қолдирган ҳолати "Қўқон-1912" билан сафардаги ўйиндан кейинги айтган эътирозлари ва қаттиқ фикрлари бўлди, десак янглишмаймиз. 


Луисма Эрнандес ("Металлург") - Мавсум тугашига 3та тур қолганда Бекободнинг "Металлург" жамоасига янги мураббий тайинланди. Турнир жадвалида жон сақлаш учун курашаётган жамоа унинг қўл остида сўнгги турларни яхши ўтказди ва элитада қолди. Ўз майдонида "Турон"ни таслим қилди, Навоийда "Қизилқум" мағлуб этилди. 


Александр Хомяков ("Машъал") - Ушбу мутахассисни хорижлик демасак ҳам бўлаверади. Чемпионатимизда 10 йилдан бери фаолият юритиб келаётган Александр Хомяков узоқ йиллар "Машъал"ни бошқарди. Кейинчалик "Андижон" ва "Бухоро"да ишлаб қайтган россиялик мураббий 2021 йил Суперлига стартига оз қолганда яна "Машъал"га қайтди. Жуда камтар таркибга эга муборакликлар бир неча йилдан бери асосан ўз тарбияланувчиларига таянмоқда. Бу мавсум ҳам бундан мустасно бўлгани йўқ. Якуний натижа қандай бўлиши ҳақида гапиришга бироз эрта. Жамоа ҳали Суперлигада қолиш масаласини ҳал қилмади. Бунинг учун 2 декабрь куни "Пахтакор" стадионида "Олимпик" қаршилигини енгишлари лозим. 


Виктор Кумиков ("Андижон") - Иккинчи даврада "Андижон"га таклиф қилинган Виктор Кумиков афсуски, жамоани Суперлигада олиб қолишни уддасидан чиқа олмади. Аслида бир қатор тарихий натижаларни қайд этганини ҳам айтиш мумкин. Дейлик Муборакда "Машъал", ўз майдонларида "Пахтакор"ни ютишди. Сафарда "Локомотив" билан дуранг ўйнашди. Бироқ бу уларга элитада қолиш учун етарли бўлмади. 

Шунингдек мавсум ўртасида "Турон"да польшалик Богуслав Баниак 2та учрашувда ишлади. Мана шу баҳсларда "Сурхон" (0:1), "Бунёдкор" (0:3)га мағлубиятга учради.


Абдулазиз Искандаров

Рейтинг: +1   

Фикрлар

championat.asia
< сўнгги янгиликларни кўриш
Яндекс.Метрика