Suonsi – Liverpul. Mersisaydliklar APL tarixidagi eng yosh tarkibni maydonga tushirishdi

Narzulla Saydullayev

1 may 2016, 16:39

Liverpul ustozi Yurgen Klopp Suonsiga qarshi o'yindan oldin asosiy tarkibda bir qator o'zgarishlarni amalga oshirdi.

Jamoa payshanba kuni Yevropa ligasi yarim finali dastlabki uchrashuvini o'tkazdi, keyingi payshanba o'z uyida "Vilyarreal" bilan javob uchrashuvini o'tkazadi.

Asosiy tarkibga quyidagi futbolchilar kiritildi: Uord (1993 yil tug'ilgan), Klayn (1991), Shkrtel (1984), Lovren (1989), Smit (1994), Chirivelya (1997), Styuart (1993), Odjo (1997), Ayb (1995), Koutino (1992), Starridj (1989).

Shunday qilib jamoaning o'rtacha yoshi 23 yosh va 218 kunni tashkil etdi. Bu Liverpulning APL tarixida maydonga tushgan eng yosh tarkibi hisoblanadi.