“Албатта, майда жамоани тарк этмоқчи эмасман. Мен ажойиб футболчиларга раҳбарлик қилаяпман, жамоадаги муҳит фантастик даражада. Мен ҳозирча шу ерда эканман, ўз ишимини сидқидилдан бажаришим керак, кейинги ўйинлар ҳақида ўйлашим лозим”.
Сульшер қўл остида МЮ қаторасига тўртта беллашувни ғалаба билан якунлаб, афсонавий Метт Басби рекордини такрорлади.
“Бу натижа клуб тарихига киради, аммо мен бу ҳақда ўйлаётганим йўқ.Биз тўртта ўйинда ғолиб чиқдик, қолган тўртта ўйинни ҳам ғалаба билан якунлашимиз мумкин. Бундай клубда шундай ишлашга тайёр бўлиш лозим. Бу ерда талаб шундай. Шу боис қолган беллашувларда ҳам ғалаба қозонишга уринамиз”, дея мураббийининг сўзларидан иқтибос келтирмоқда клуб расмий сайти.
