Стерлинг нега Кейнга овоз берганини тушунтирди

"Агар чемпион бўлмасак йилнинг энг яхши футболчиси совринини олмоқчи эмасман. Ҳозир АПЛ ва Англия Кубогида ғолиб бўлишни, кейин эса индивидуал совринлар ҳақида ўйлашни истайман. Турнирларда ғалаба қозонмасанг, индивидуал совринлар аҳамиятга эга бўлмайди.

Гарри Кейнга овоз бердим, чунки у ҳар йили кўплаб голлар уради ва жамоа учун борини беради. Ҳамма ван Дейк ҳақида гапирди. У кўп овоз олишини билардим, шу сабабли овозимни унинг даражасига мос бўлган футболчига бердим. Кейн билан Англия терма жамоаси орқали танишман, у тер тўкиб меҳнат қилади" - дейди Стерлинг.