“Спартак” мавсумдаги илк ғалабасини қўлга киритди
31 июл 2017 23:44
Янгиликлар

“Спартак” мавсумдаги илк ғалабасини қўлга киритди

Россиянинг амалдаги чемпиони “Спартак” чемпионатдаги илк ғалабасини тантана қилди.

“Қизил-оқлар” Москва шаҳридаги “Открытие Арена” стадионида “Краснодар” клубини қабул қилиб, 2:0 ҳисобида зафар қучишди. Бу чемпионатнинг 3-туридан ўрин олган марказий ўйин эди.

Аввалига 38-дақиқада Квинси Промес белгиланган пенальтини голга айлантириб ўйиндаги ҳисобни очди. Биринчи бўлимга қўшиб берилган дақиқада эса Фернандо жарима зарбасидан чиройли гол муаллифига айланди.

“Спартак” мавсумдаги илк ғалабасига эришган бўлса, “Краснодар” аксинча, илк очколарни бой берди. Одил Аҳмедовнинг собиқ жамоаси 6 очко билан турнир жадвалида 4-ўринни эгаллаб турибди. “Спартак” 5 очко билан 7-поғонадан жой олган.

Россия чемпионати. 3-тур

"Спартак" - "Краснодар" - 2:0 (2:0)

31 июль, 21.30. “Открытие Арена”

Голлар: 1:0 – 38, пенальти Промес, 2:0 – 45 Фернандо.

“Спартак”: Ребров, Жикия, Боккетти, Ещенко, Комбаров, Самедов (Тимофеев, 76), Фернандо, Глушаков, Промес, Зе Луиш, Луис Адриано (Мельгарехо, 90).

“Краснодар”: Синицин, Гранквист, Мартинович (Рамирес, 58), Грицаенко, Петров, Классон, Жоаозиньо (Мамаев, 58), Перейра (Ристич, 75), Каборе, Вандерсон, Газинский.

Огоҳлантириш: Грицаенко (36).

Ҳавола :

Янгиликларни Телеграмда ўқинг!

Рейтинг: +1