UZ

Сўнгги янгиликлар

17:11АПЛ болбойларнинг ўйинга таъсирини чеклайди  0 16:45МЮ "Ювентус" футболчиси учун ўз вингерини беришга ва қўшимча тўлов қилишга тайёр  1 16:25Про лига. "Олимпик-MobiUz" – "Машъал" 0:0 (онлайн ҳисоб)  1 16:11"Барселона" тарбияланувчисини қайтармоқчи  0 15:41"Ницца" АПЛ клублари қизиқаётган ҳимоячиси учун нарх белгилади  0 15:10ПСЖнинг 2 нафар футболчиси сафга қайтди  0 14:08Шенсни "Юве"да қолиши учун маоши камайишига рози бўлиши керак  0 13:40Гризманн қайтди  1 13:21Дилмурод Назаров хотирасига бағишланган "Наврўз Кубоги-2024" мусобақаси қандай ўтди?  7 13:09"Бавария" "Штутгарт" вингерига кўз тикди  0 12:46"Манчестер Юнайтед" Каземирога ўринбосар топди  2 12:20Эшитдик-да! ФИФА "Бунёдкор"га илк санкцияни қўллади  28 11:48Клоппнинг ассистенти "Аякс" бош мураббийига айланиши мумкин  1 11:24Ўзбекистон – Гонконг учрашувида майдонга югуриб тушган мухлислар маъмурий жавобгарликка тортилди, 2 нафар шахс 5 суткага қамалди  22 10:57Пеп Гвардиола «Манчестер Сити»даги келажаги борасида бир қарорга келди  7

"Сўғдиёна"нинг ҳудудлараро плей-офф ярим финалидаги рақиби тўғрисида нималарни билишимиз лозим? Янгиликлар

"Сўғдиёна"нинг ҳудудлараро плей-офф ярим финалидаги рақиби тўғрисида нималарни билишимиз лозим?

ОФК кубогининг ҳудудлараро ярим финал босқичида "Сўғдиёна" ва "Истерн" клублари ўзаро тўқнаш келади.

"Истерн" 1932 йил ташкил этилган Гонгконг профессионал клуби ҳисобланиб, мамлакатнинг энг юқори дивизиони — Премьер-лигада иштирок этади. Ушбу чемпионатда 10 та жамоа иштирок этади. Премьер-лиганинг янги мавсуми 27 август куни старт олади. 

Тарихий клуб бўлишига қарамай, "Истерн" Гонгконг Премьер-лигасида атиги бир маротаба ғалаба қозонган (2015/16 йилги мавсум). Бироқ 2017 йил "Истерн" ОЧЛ гуруҳ босқичида иштирок этган Гонгконгнинг дастлабки клубига айланди. Бироқ гуруҳ босқичидаги иштирок мақтанишга арзигулик бўлмади. 6 ўйинда атиги 1 очко жамғарган шарқликлар 1 та урилган гол эвазига 24 гол қабул қилиб олишди. Ўтган йили ОФК кубоги гуруҳ босқичида қаташган клуб гуруҳ ғолиблигини мамлакатнинг бошқа жамоаси "Ли Ман"га бой берди. Ёдингизда бўлса, "Ли Ман" ҳудудлараро плей-офф финалида қўшимча бўлимларда "Насаф"га имкониятни бой бериб қўйганди.

ОФК кубоги. Ярим финал
"НАСАФ" (Ўзбекистон) - "ЛИ МАН" (Гонконг) 3:2 (ТУГАДИ)
20 октябрь 2021 йил. Қарши. "Марказий" стадион. 18:00
Ҳакамлар: Моуд Бонядифард, Али Мирзабеги, Саид Қосими, Бижан Хайдари (барчаси Эрон)
Назоратчи: Али Аҳмад Ал Бадвави (БАА)
Комиссар: Муҳаммад Саид Ал Хаттави.

Голлар: Фернандо Ресио (автогол) 4, 1:0, Ҳусайн Норчаев 26, 2:0, Живанилтон Феррейра 46, 2:1, Хосе Анхель 64, 2:2, Андрия Калудерович 105, 3:2

"Насаф": 1.Умиджон Эргашев, 4.Ҳусниддин Алиқулов ( 5.Ғолиб Ғайбуллаев, 56) , 8.Дилшод Саитов (15.Жўрабек Маннонов, 103), 10.Баҳром Абдураҳимов (99.Андрия Калудерович, 79), 19.Ҳусайн Норчаев (7.Дониёр Нарзуллаев, 107), 20.Суҳроб Нуруллоев (50.Шоҳмалик Комилов, 104), 22.Акмал Мозговой, 34.Шерзод Насруллаев, 77.Ойбек Бозоров, 88.Марко Станоевич, 92.Умар Эшмуродов.
Захира: 13.Азамат Сойибов, 2.Алибек Давронов, 28.Сардор Саъдуллаев, 70.Абубакр Ризо Турдалиев, 71.Жасур Жумаев,

"Ли Ман" (Гонконг): 88.Юен Хо Чун, 2.Фернандо Ресио, 3.Цуи Ванг Кит (21.Цанг Кам То, 113), 5.Ю Вай Лим (29.Ю Пуи Хонг, 106), 10.Жонатан Акоста (, 44.Юто Накамура 99), 13.Диего Эли Морейра, 14.Хосе Анхель Мартин, 16.Нган Лок Фунг, 26.Вонг Чун Хо, 91.Живанилтон Феррейра, 99.Ким Сон Йонг (11.Ченг Сиу Кван, 74)
Захира: 1.Ко Чун Уилсон, 6.Вонг Хо Чун Ансон, 7.Ли Хонг Лим, 28.Чан Ка Хо,  31.Юнг Хуи То

Огоҳлантириш: Ю Вай ("Ли Ман") 37, Жонатан Акоста ("Ли Ман") 50, Умиджон Эргашев ("Насаф") 64, Умар Эшмуродов ("Насаф") 69, Цуи Ванг Кит ("Ли Ман") 90+2, Андрия Калудерович ("Насаф") 106, Диего Эли ("Ли Ман") 107

Жорий мавсум ҳам аввалгиси сингари "J" гуруҳидан ўрин олган жамоа айнан "Ли Ман" ҳамда "Таинан Сити"ни ортда қолдириб, гуруҳ ғолибига айланди. Гонгконликлар иккала рақибини ҳам бир хил — 3:1 ҳисобида мағлубиятга учратди.

Бош мураббий — Роберто Лосада (Испания)

45 ёшли испаниялик мутахассис учун Гонгконг футболчи унчалик бегона эмас. Футболчилик фаолияти давомида "Мальорка", "Вальядолид" каби таниқли клубларда тўп тепган Лосаданинг сўнгги ҳамда мураббийлик фаолиятини бошлаган дастлабки клуби Гонгконгнинг "Китчи"си саналади. Мутахассис 2020 йилдан "Истерн"да ёрдамчи, 2021 йилдан эса бош мураббий сифатида фаолият олиб боради.

Таркиб

Жамоанинг асоси маҳаллий футболчилар саналади. Клуб таркибида тўрт нафар легионер футболчи бор, булар — Виктор Бертомеу (Испания), Маркос Гондра (Испания), Тамирлан Қўзубаев (Қирғизистон) ва Прабхат Гурунг (Непал). Легионерлар ҳақида гап кетганда, уларнинг фаолияти ҳавас қиларли даражада эмас. Биргина 3 та гол билан ОФК кубоги тўпурарлари сафида бораётган Бертомеуни олсак, у асосан, Испаниянинг 5-дивизонида иштирок этадиган клублар сафида тўп тепган.

Япп Ҳун Фаи нафақат клубнинг, балки Гонгконг терма жамоасининг биринчи рақамли посбони ҳисобланиб, терма жамоаси сафида энг кўп учрашув ўтказган футболчи саналади (81 ўйин). Шу жумладан, терма жамоа сафида 2013 йил Осиё кубоги саралаш босқичи доирасида Ўзбекистонга қарши майдонга тушган ва ўз дарвозасидан иккита тўп олиб чиққан (0:2).

Гонконг - Ўзбекистон — 0:2

Голлар: Вохид Шодиев (83), Одил Аҳмедов (89).

Гонконг: Япп Хун Фаи, Ли Чи Хо, Бае Хи, Чан Сиу Ки (Жеймс Макки, 80), Лам Ка Ваи, Ло Кван Йе, Чеун Кин Фунг, Наеделин Энди Ханнес, Леун Чун Понг, Чан Ман Фаи (Чу Инг Жи, 72), Квок Кин Понг.

Ўзбекистон: Элдор Суюнов, Анзур Исмоилов, Ислом Тўхтахўжаев, Даврон Хошимов (Баходир Насимов, 46), Виталий Денисов, Азиз Ҳайдаров, Одил Аҳмедов, Жамшид Искандаров (Шавкат Саломов, 75), Сардор Рашидов, Воҳид Шодиев, Игорь Сергеев (Сервер Жепаров, 81)

Четлатиш: Чеун Кин Фунг 45.

Биласизми? 1981-1982 йилларда англиялик собиқ футболчи Бобби Мур клуб бош мураббийи сифатида фаолият олиб борган.

Эслатиб ўтамиз, Улуғбек Бақоев бошчилигидаги "Сўғдиёна" 6 сентябрь куни Гонконгнинг "Истерн" клубига қарши майдонга тушади. Мазкур баҳс Жиззах шаҳрида бўлиб ўтиши режалаштирилган.  

Рейтинг: +11   

Фикрлар

championat.asia
< сўнгги янгиликларни кўриш
Яндекс.Метрика